137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
ДУШАНБЕ, 09.07.2025 /АМИТ «Ховар»/. Имрӯз аз ҷониби пайвандони аксбардори шинохтаи тоҷик Заур Дахте бо мақсади ҳифзи доимӣ 137 акс, ки инъикосгари табиати нотакрор ва дастовардҳои соҳибистиқлолии Тоҷикистон мебошанд, ба фонди Осорхонаи миллии Тоҷикитсон супорида шуд, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Заур Дахте (1936-2024) яке аз аксбардорон ва наворбардорони маъруф, Ходими хизматнишондодаи фарҳанги Тоҷикистон, академики Академияи мусаввирии Тоҷикистон, профессори Донишгоҳи байналмилалии таълими бунёдӣ ва Лауреати кинофестивалҳои байналмилалӣ буданд.
Дар аксҳои Заур Дахте дар баробари инъикоси манзараҳои зебои табиати Тоҷикистон, инчунин соҳаҳои муҳими ҳаёт, равнади рушду пешрафти мамлакат инъикос ёфтаанд. Ҳамзамон, дар аксҳо ҷараёни барномаҳои фарҳангӣ, олами кӯдакон ва дигар лаҳзаҳои ҷолиби ҳаёти тоҷикон муаррифӣ шудааст.
Аксҳои ба Осорхонаи миллӣ эҳдошуда аҳамияти таърихӣ ва тарбиявӣ дошта, аз дастовардҳои эҷодии муаллиф ва иқболи баланди миллати тоҷик дар даврони Истиқлоли давлатӣ ҳикоят мекунанд.
Тавре масъулин иброз доштанд, пешниҳоди аксҳои гирифтаи Заур Дахте барои ҳифз ва муаррифӣ ба Осорхонаи миллӣ вобаста ба аҳамияти фарҳангӣ ва осорхонавӣ доштанашон, хеле ба маврид мебошад. Чунки дар Осорхонаи миллӣ барои ҳифзи ашёи таърихию фарҳангӣ шароит муҳайё буда, реҷаи ҳарорат – рутубатӣ, реҷаи рушноӣ, тартиби дурусти ҳифзи ашё риоя карда мешавад, ки ин албатта ашёро аз вайроншавӣ нигоҳ медорад.
Ҷамъоварӣ, ҳифзу нигаҳдории дуруст ва пешкаши ҳамагон намудани мероси воло вазифаи муққадаси осорхонаҳо мебошад. Ин рисолати муққадас, пеш аз ҳама барои худшиносии миллӣ, тарбияи насли наврас ва тарғиби фарҳангӣ миллӣ муҳим мебошад.
АКС: Осорхонаи миллии Тоҷикистон
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
