Ҳамкорӣ байни Тоҷикистон ва Узбекистон дар соҳаи таҳсилоти томактабӣ ва миёнаи умумӣ баррасӣ гардид
ДУШАНБЕ, 15.07.2025 /АМИТ «Ховар»/. Ҳолати кунунӣ ва дурнамои рушди ҳамкорӣ байни Тоҷикистон ва Узбекистон дар соҳаи таҳсилоти томактабӣ ва таҳсилоти миёнаи умумӣ дар мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода ва Вазири таҳсилоти томактабӣ ва таҳсилоти миёнаи умумии Ҷумҳурии Узбекистон Ҳилола Умарова дар Тошканд баррасӣ гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Дар мулоқот ҷонибҳо масъалаҳои омӯзиши таҷрибаи ҳамдигар, раванди ислоҳоти соҳа ва таъсиси гурӯҳҳои кории муштарак байни Вазорати маориф ва илми Ҷумҳурии Тоҷикистон ва Вазорати таҳсилоти томактабӣ ва таҳсилоти миёнаи умумии Ҷумҳурии Узбекистонро баррасӣ намуданд. Инчунин доир ба вусъат бахшидани ҳамкорӣ дар самти таълиму тарбия ва нашри китобҳои дарсӣ изҳори андеша карда шуд.
Ҳилола Умарова равобити дуҷонибаро мусбат арзёбӣ карда, барои қабули 20 нафар директорони мактабҳои таҳсилоти миёнаи умумии Тоҷикистон ҷиҳати ройгон гузаштан аз даври такмили ихтисос дар Маркази таълимии ба номи Авлонии шаҳри Тошканд ризоият дод. Ҳамзамон аз Сафири Тоҷикистон хоҳиш намуд, ки аз тариқи Вазорати маориф ва илми Тоҷикистон рӯйхати иштирокчиёнро барои қабули ҷониби кишвари иқомат ирсол намояд.
Ҷонибҳо барои омода намудани «Харитаи роҳ» байни ду муассисаи низоми маориф ба мувофиқа расиданд.
АКС: Сафорати Ҷумҳурии Тоҷикистон дар Ҷумҳурии Узбекистон
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
Дар Женева мулоқоти Шараф Шерализода бо сафирони кишварҳои хориҷӣ доир гардид
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
Шараф Шерализода бо Дабири кулли Иттиҳоди байнипарлумонӣ мулоқот намуд
РАВАНДИ ОБИ ДУШАНБЕ. Шабакаи «Abu Dhabi TV» ҳадафҳои Конфронси байналмилалии обро шарҳ дод
Сафири Тоҷикистон бо Вазири корҳои хориҷии Давлати Кувайт мулоқот намуд
