Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
ДУШАНБЕ, 18.07.2025 /АМИТ «Ховар»/. 17 июл ҳайати мутахассисони самти бехатарии радиатсионӣ ва муҳити экологии Ҷумҳурии Узбекистон ва Ҷумҳурии Қирғизистон бо Озмоишгоҳи илмӣ-таҳқиқотӣ ва маркази матбуоти филиали Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар шаҳри Бӯстони вилояти Суғд шинос гардид. Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Сафари ҳайати олимону донишмандон ба Тоҷикистон дар доираи таҳкими ҳамкории байнидавлатӣ пас аз ташрифи сарони давлатҳои Узбекистон ва Қирғизистон ба Ҷумҳурии Тоҷикистон, ки моҳи марти соли 2025 ба вуқуъ пайваста буд, баргузор гардид.
Меҳмонон бо инфрасохтор, корҳои илмӣ-таҳқиқотӣ, истифодаи таҷҳизоти муосири озмоишӣ, равандҳои таъмини бехатарии радиатсионӣ ва пешниҳоди маълумот ба аҳолӣ вобаста ба маҳфузгоҳҳои радиоактивие, ки дар вилояти Суғд ҷойгиранд, шинос шуданд.
Вохӯрӣ дар фазои дӯстона ва созанда баргузор гардид. Ҷонибҳо барои таҳкими ҳамкорӣ дар самти таъмини амнияти химиявӣ, биологӣ, радиатсионӣ ва ядроӣ, ҳамзамон мубодилаи таҷриба изҳори омодагӣ намуданд.
Дар ҷараёни суҳбат бо намояндагони Агентии амнияти химиявӣ, биологӣ, радиатсионӣ ва ядроӣ масъалаҳои ҳамкории минбаъда дар самти бехатарии радиатсионӣ ва муҳити экологӣ баррасӣ шуданд. Намояндагон аз кишварҳои ҳамсоя фаъолияти филиали Агентӣ дар вилояти Суғдро дар сатҳи баланд арзёбӣ намуданд.
Ёдовар мешавем, ки бинои нави филиали Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар шаҳри Бӯстони вилояти Суғд бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 9 августи соли 2022 бо мақсади татбиқи ҳадафҳои «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (солҳои 2020-2040), инчунин Консепсияи миллии Ҷумҳурии Тоҷикистон оид ба безараргардонӣ ва солимгардонии маҳфузгоҳҳои партовҳои коркарди маъдани уран бунёд гардидааст.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
