Бинобар гармии рекордӣ дар Чин талабот ба неруи барқ ба нуқтаи баландтарин расид

ДУШАНБЕ, 18.07.2025 /АМИТ «Ховар»/. Гармии рекордӣ дар Чин сабаби он шуд, ки талабот ба неруи барқ рӯзи чаҳоршанбе ба ҳадди баландтарини таърихӣ расида, аз 1,5 миллиард киловатт гузашт.

Тавре АЗЕРТАҶ хабар додааст, тибқи баъзе иттилоъ, рӯзи панҷшанбе ҳарорат дар баъзе минтақаҳои кишвар то 50 дараҷа гарм шуд.

Камонаки гармои шадиде, ки аз шаҳри сераҳолии Чунтсин дар минтақаи ҷанубу ғарбӣ то Гуанчжоу дар соҳил тӯл мекашид, рӯзҳои охир минтақаеро фаро гирифтааст, ки дар он беш аз 200 миллион нафар зиндагӣ мекунанд, навиштааст Reuters.

Системаи фишори баланди субтропикӣ, ки боиси ҳавои гарм ва хушк гардидааст, сабаби он шуд, ки дар ду рӯзи охир дар ҳашт истгоҳи обуҳавосанҷӣ дар шимолу ғарб ва ҷанубу ғарби Чин ҳарорати баланд сабт гардад, гузориш додаанд воситаҳои ахбори оммаи давлатӣ рӯзи панҷшанбе бо истинод ба агентиҳои миллии обуҳавошиносӣ.

Идораи миллии энергетикии Чин рӯзи чаҳоршанбе бори сеюм дар ин моҳ аз «сатҳи рекордӣ»-и истифодаи барзиёди неруи барқ дар ин кишвар хабар дод. Ин нисбат ба соли гузашта 55 миллион киловатт бештар аст.

АКС аз манбаъҳои боз