Дар Бонки миллӣ бо ҳайати Агентии рейтингии байналмилалии «Standard & Poor’s» вазъи низоми бонкӣ баррасӣ шуд
ДУШАНБЕ, 16.07.2025 /АМИТ «Ховар»/. Вазъи низоми бонкӣ, сиёсати пулию қарзӣ ва динамикаи нишондиҳандаҳои оморӣ аз масъалаҳое буданд, ки дар мулоқоти Раиси Бонки миллии Тоҷикистон Фирдавс Толибзода бо ҳайати таҳлилгарони Агентии байналмилалии рейтингии «Standard & Poor’s» хонум Ҷулия Филока ва Роман Рибалкин дар шаҳри Душанбе баррасӣ шуданд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Ҷонибҳо ҳамзамон доир ба нигоҳ доштани сатҳи таваррум дар доираи нишондиҳандаҳои пешбинишуда, таъмини суботи молиявии мамлакат, нишондиҳандаҳои монетарию фискалӣ, татбиқи реҷаи ҳадафгирии таваррум ва идоракунии захираҳои байналмилалӣ табодули назар намуданд.
Новобаста ба фазои мураккаби сиёсию иқтисодии ҷаҳон дар Тоҷикистон рушди босуботи иқтисодию молиявӣ таъмин мешавад. Дар робита ба ин зимни таҳияи рейтинги навбатӣ бояд хусусияти минтақа ва давлат, афзоиши маҷмуи маҳсулоти дохилӣ ва даромаднокии низоми бонкӣ, таҳким ва рушди идоракунии захираҳои байналмилалӣ ва ислоҳоти бароҳмонда ба инобат гирифта шавад.
Раванди интишори рейтинги кредитии соҳибихтиёрии Ҷумҳурии Тоҷикистон аз ҷониби Бонки миллии Тоҷикистон ҳамасола бо Агентии байналмилалии рейтингии «Standard & Poor’s» гузаронида мешавад.
АКС: Бонки миллии Тоҷикистон
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
ҚУРБИ АСЪОР: 1 доллари ИМА аз 9.3200 то 9.4009 сомонӣ муқаррар шудааст
Дар Бишкек ҷаласаи ҳамоҳангсозон ва таҳлилгарони бонкҳои аъзои Иттиҳоди байнибонкии СҲШ баргузор гардид
Се ташкилоти қарзии молиявии Тоҷикистон аз рӯйхати таҳримҳо хориҷ карда шуд
Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
