Дар Панҷакент ниммарафони экологии кӯҳии «Seven Lakes» доир мегардад
ДУШАНБЕ, 17.07.2025 /АМИТ «Ховар»/. Ниммарафони экологии кӯҳии «Seven Lakes» аз 1 то 3 август дар шаҳри Панҷакенти вилояти Суғд доир мегардад. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Пас аз он ки соли 2024 ниммарафони экологии кӯҳии «Ҳафткӯл» муваффақона доир гардид, тасмим гирифта шуд, ки он боз аз нав гузаронида шавад. Ин чорабинӣ танҳо мусобиқаи варзишӣ набуда, балки иқдом барои ҳифзи табиат, саломатӣ ва таҳкими ваҳдат мебошад.
Варзишгарон ва дӯстдорони давро аз минтақаҳои гуногуни Тоҷикистон ва кишварҳои хориҷӣ масирҳои зебоманзари атрофи кӯлҳои афсонавии «Ҳафткӯл», ҳашари экологии тозакунии соҳили кӯлҳо, инчунин фазои воқеии варзишӣ ва руҳияи ҳамбастагии даставӣ интизор ҳастанд.
Ташкилкунандагони Ниммарафони экологии кӯҳии «Seven Lakes» Кумитаи ҳифзи муҳити зисти назди Ҳукумати Ҷумҳурии Тоҷикистон, Ассотсиатсияи дав ва марафонҳои Тоҷикистон ва Кумитаи ҷавонон ва варзиши назди Ҳукумати Ҷумҳурии Тоҷикистон мебошанд.
Бақайдгирӣ ба ниммарафон дар сомонаи marathon.tj оғоз шудааст. Иштирок дар ин марафон саҳмгузорӣ ба ояндаи аз ҷиҳати экологӣ тоза, солим ва устувор мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
