Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
ДУШАНБЕ, 07.07.2025 /АМИТ «Ховар»/. 6 июл дар Ҷумҳурии Мардумии Чин маросими ҷоизасупории Синамоҷашнвораи байналмилалии давлатҳои аъзои Созмони ҳамкории Шанхай таҳти унвони «Камелияи тиллоӣ» баргузор шуд. Дар маросими ҷоизасупорӣ филми ҳунарии «Дар талоши ҳақиқат»-и коргардони тоҷик Манзаралӣ Шералӣ бо ҷоизаи махсуси ҳайати ҳакамон қадрдонӣ шуд. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Дар синамоҷашнвора намояндагони давлатҳои аъзои Созмони ҳамкории Шанхай иштирок намуданд.
Дар барномаи озмунии синамоҷашнвора 20 филми рақобатӣ ва дар барномаи ғайриозмунӣ 27 филми ғайрирақобатӣ аз давлатҳои аъзои Созмони ҳамкории Шанхай, аз ҷумла Ҷумҳурии Мардумии Чин, Тоҷикистон, Қазоқистон, Узбекистон ва Федератсия Русия ба намоиш гузошта шуд.
Дар барномаи озмунӣ аз Тоҷикистон ду филми ҳунарӣ- «Дар талоши ҳақиқат» ва «Зиндагӣ зебост» ва дар барномаи ғайриозмунӣ бошад, филмҳои ҳунарии -«Охирин сайди сайёд», «Танҳо ту» ва «Роҳ» пешниҳод гардид.
Зимни маросими ҷоизасупорӣ баён шуд, ки ҳадафи асосии синамоҷашнвора таҳкими ҳамкории фарҳангӣ ва муаррифии дастовардҳои синамои давлатҳои аъзо, инчунин истифодаи технологияҳои нав дар соҳаи филмсозӣ мебошад.
«Дар чунин фестивалу синамоҷашнвораҳо давлатҳо на танҳо фарҳангу ҳунари миллии худро муаррифӣ менамоянд, балки имконият пайдо мекунанд, ки заминаҳои ҳамкории нав дар соҳаҳои синамо, телевизион, тарбияи мутахассисони соҳа ва эҷоди филмҳои муштаракро низ ба роҳ монанд»,- иброз гардид дар ҷамъбасти синамоҷашнвора.
Ёдовар мешавем, ки аз 3 то 7 июл дар Ҷумҳурии Мардумии Чин Синамоҷашнвораи байналмилалии давлатҳои аъзои Созмони ҳамкории Шанхай таҳти унвони «Камелияи тиллоӣ» баргузор шуд.
Дар доираи синамоҷашнвора чорабиниҳо фарҳангӣ, техникӣ, намоиши технологияҳои муосири синамоӣ ва ҳамоиши филмҳои коргардонҳои ҷавон доир шуд.
АКС: Муассисаи давлатии «Тоҷикфилм»
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
