Ғолибони Мусобиқаи кушоди байналмилалӣ оид ба бокс дар Хуҷанд муайян шуданд
ДУШАНБЕ, 14.07.2025 /АМИТ «Ховар»/. Дар варзишгоҳи «Спартак»-и шаҳри Хуҷанд Мусобиқаи кушоди байналмилалӣ оид ба бокс дар сатҳи баланд баргузор гардид. Дар ин хусус ба шореҳи варзиши АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқа ба муносибати Рӯзи Ваҳдати миллӣ ва ба гиромидошти хотираи устоди варзиш Азимҷон Тошев ташкил шуд.
Дар он 90 муштзан аз панҷ давлат — Федератсияи Русия, Қазоқистон, Узбекистон, Қирғизистон ва Тоҷикистон иштирок намуданд. Рақобатҳо дар ҳафт вазн — 51 кг, 57 кг, 63,5 кг, 67 кг, 71 кг, 80 кг ва +92 кг баргузор шуданд.
Дар вазни 51 кг медали тиллоро варзишгари Русия Баир Батлаев соҳиб шуд. Дар финал Баир Батлаев бар Меъроҷ Суфиҷонов аз Тоҷикистон зафар ёфт. Медалҳои биринҷиро Сунатулло Қулов ва Меҳрон Шафиев аз Тоҷикистон ба даст оварданд.
Медали тиллои вазни 57 килограммро Хусравхон Раҳимов аз Тоҷикистон соҳиб гардид. Муҳаммад Собутхонов аз Узбекистон медали нуқра, Виталий Баитсов аз Русия ва Анӯшервон Фозилов аз Тоҷикистон соҳиби медали биринҷӣ шуданд.
Дар вазни 63,5 кг муштзани умедбахши мо Руслан Ғафуров бо мағлуб кардани Расул Магомедов аз Русия соҳиби медали тилло шуд. Хусрав Зоидов ва Ҷамшед Ғафуров аз Тоҷикистон соҳиби медалҳои биринҷӣ гардиданд. Довуд Маҳкамов медали нуқра, Искандар Хусейнов ва Абубакр Абдуллозода аз Тоҷикистон медалҳои биринҷиро соҳиб шуданд. Муродҷон Ашуралиев аз Тоҷикистон дар вазни 71 кг ғолиб шуд. Медали нуқра насиби намояндаи Узбекистон Лазизбек Тулкинов шуда, медалҳои биринҷиро Алихан Янгизбаев аз Русия бо Исмоил Дадобоев аз Тоҷикистон ба даст оварданд.
Дар финали вазни 80 кг Чеерав Ачалиев аз Русия ва Шаҳбоз Ҳаитов аз Тоҷикистон сабқат карданд. Ачалиев медали тилло ва Ҳаитов соҳиби нишони нуқра шуданд. Абдумалик Болтаев аз Тоҷикистон ва Аян Калмаганбетов аз Қазоқистон барандагони медалҳои биринҷӣ гардиданд. Светосиев Тетерин аз Русия медали тиллои вазни +92 килограммро соҳиб шуд.
Муҳаммад Аброриддинов соҳиби медали нуқра, Парвиз Ахмедов ва Асадбек Маннонов аз Тоҷикистон соҳиби медалҳои биринҷӣ шуданд.
Ёдовар мешавем, ки Мусобиқаи кушоди байналмилалӣ оид ба бокс аз 9 то 12 июли соли 2025 дар варзишгоҳи «Спартак»-и шаҳри Хуҷанд баргузор гардид.
Дар он муштзанҳои тоҷик соҳиби 18 медал- 3 тилло, 4 нуқра ва 11 биринҷӣ гардиданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
