Паҳлавонони тоҷик «Ulaanbaatar Grand Slam-2025»-ро бо як медали нуқра ҷамбаст намуданд
ДУШАНБЕ, 28.07.2025 /АМИТ «Ховар»/. Аз 25 то 27 июли соли 2025 дар пойтахти Муғулистон – шаҳри Улан-Батор мусобиқаи байналмилалии сайри ҷаҳонии ҷудо «Ulaаnbaatar Grand Slam 2025» баргузор гардид, ки дар он Ҷумҳури Тоҷикистонро 12 паҳлавон муаррифӣ намуд. Дар ин хусус муовини Раиси Федератсияи ҷудои Тоҷикистон Эргаш Маҳмадбеков ба шореҳи варзиши АМИТ «Ховар» хабар дод.
Барои иштирок дар мусобиқа 236 варзишгар (142 мард ва 94 зан) аз 28 давлати ҷаҳон номнавис гардида буд.
Паҳлавони тоҷик Масъуди Аҳмадзод дар рӯзи дуюми мусобиқа дар вазни то 73 кг ба финали мусобиқаи «Ulaanbaatar Grand Slam 2025» роҳ ёфт ва барандаи нишони нуқра гардид.
Дигар варзишгарони ҳайати Тоҷикистон дар даврҳои гуногун ноком шуданд.
Бояд гуфт, ки дар ҳисоби медалҳо дастаи мунтахаби Тоҷикистон бо медали нуқраи Масъуди Аҳмадзод дар вазни то 73 кг, ҷойҳои панҷуми Меҳрзод Суфиев дар вазни то 60 кг, Умедҷон Раҷабов то 90 кг ва ҷойҳои ҳафтуми Александра Кан дар вазни то 57 кг, Мансур Раҳмон дар вазни +100 кг байни 28 давлат мақоми 10-умро ишғол намуд. Дастаи мунтахаби Ҷопон бо 6 медали тилло, 3 медали нуқра ва 3 нишони биринҷӣ якум шуд. Муғулистон бо 3 медали тилло, 1 медали нуқра ва 7 нишони биринҷӣ мақоми дуюмро ишғол кард. Тими ҷудокорони бетараф бо 1 медали тилло, 2 медали нуқра ва 7 нишони биринҷӣ мақоми сеюмро сазовор гардид.
Меҳрони ҚУРБОН,
шореҳи варзиши АМИТ «Ховар»
АКС: Федератсияи байналмилалии ҷудо
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
