Сироҷиддин Муҳриддин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд
ДУШАНБЕ, 15.07.2025 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин 14-15 июли соли 2025 дар шаҳри Тянҷини Ҷумҳурии Мардумии Чин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, роҳбарони мақомоти сиёсати хориҷии давлатҳои аъзо раванди омодагӣ ба ҷаласаи Шурои сарони давлатҳои аъзои Созмони ҳамкории Шанхай дар тирамоҳи соли равонро ба таври муфассал муҳокима карда, инчунин дар бораи самтҳои авлавиятдори ҳамкории давлатҳои аъзо дар шароити нави ҷаҳонӣ ва масъалаҳои мубрами байналмилалию минтақавӣ табодули назар анҷом доданд.
Сироҷиддин Муҳриддин мавқеи давлатро оид ба масъалаҳои мубрами рӯзномаи Созмони ҳамкории Шанхай бо тавваҷуҳ ба мавзуъҳои таъмини амният ва субот, рушди устувори иқтисодӣ дар минтақа ва пешбурди амалии масъалаҳои такмил додани фаъолияти Созмон иброз намуд.
Аз натиҷаи ҷаласа вазирони корҳои хориҷӣ лоиҳаи Эъломияи Тянҷини Шурои сарони давлатҳо, Стратегияи рушди Созмони ҳамкории Шанхай то соли 2035, дигар қарорҳо ва изҳороти муштараки сарони давлатҳоро барои корбарии минбаъда ба асос гирифтанд.
Дар доираи ҷаласаи Шурои вазирони корҳои хориҷии давлатҳои аъзои Созмони ҳамкории Шанхай роҳбарони мақомоти сиёсати хориҷии кишварҳои аъзои созмонро Раиси Ҷумҳурии Мардумии Чин Си Ҷинпин ба ҳузур пазируфтанд.
АКС: Вазорати корҳои хориҷии Ҷумҳурии Тоҷикистон
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
