«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
ДУШАНБЕ, 22.08.2025 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон китоби якуми академик Фарҳод Раҳимӣ таҳти унвони «Абармарди таърихсоз» ба забонҳои тоҷикӣ, русӣ ва англисӣ ба нашр расид, хабар медиҳад АМИТ «Ховар».
Дар китоб таълифоти Фарҳод Раҳимӣ, ки перомуни рушди соҳаҳои калидии ҷомеа- илму маърифати тоҷик дар даврони соҳибистиқлолӣ ва саҳми беназиру мондагори Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти ташаккули тафаккури илмӣ-техникии ҳамдиёронамон бахшида ба Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф эълон гардидани солҳои 2020-2040 сухан меравад, фароҳам омадаанд.
Дар сарсухани китоб, аз ҷумла омадааст, ки соли оянда мардуми Тоҷикистон ҷашни 35-солагии Истиқлоли давлатиро таҷлил менамоянд. Ин санаи таърихӣ ва ба даст овардани истиқлолу соҳибихтиёрӣ неъмати бузургест, ки насиби мардуми мо шуд. Имрӯз, вақте ки сухан аз истиқлолу соҳибихтиёрӣ меравад, мо бояд ин пайроҳаи 35-солаи тайкардаи ҷумҳуриро тавъам бо кору пайкори мондагори Пешвои миллат муҳтарам Эмомалӣ Раҳмон баҳогузорӣ намоем ва онро ба риштаи таҳқиқ кашем.
Хизматҳои беназири Президенти Тоҷикистон муҳтарам Эмомалӣ Раҳмон дар роҳи барқарор намудани сулҳу субот ва ваҳдати миллӣ, пойдор ва устувор намудани пояҳои давлатдории миллӣ бо таваҷҷуҳ ба гузаштаи ифтихор, ҳифз намудани тамомияти арзӣ ва таъмини ягонагии халқи Тоҷикистон, новобаста аз миллату нажод, забон ва дину ойин, рушди иқтисоди миллӣ ва муаррифии миллат дар арсаи байналмилалӣ муҳим ва қобили мулоҳиза арзёбӣ карда мешаванд.
Дар таърихи давлатдории навини тоҷикон муҳтарам Эмомалӣ Раҳмон на танҳо барои таҳкими пояҳои давлатдории миллӣ, таъмини бақою ҳастии имрӯзу фардои Тоҷикистон, балки барои эҳёи арзишҳои волои миллӣ низ хизматҳои шоиста намудаанд.
Китоб аз силсиламақолаҳо, аз ҷумла «Абармарди таърихсоз», «Пешвои миллат ва Истиқлоли давлатӣ», «Нақши Пешвои миллат дар рушди илми ватанӣ», «Пешвои миллат ва ҳифзи асолати миллӣ», «Паёми Президенти Тоҷикистон-машъали роҳнамои ҷомеа», «Рисолати Пешвои миллат дар наҷотбахшии аҳли башар», «Иҷлосияи ХVI Шурои Олӣ-оғози эҳёи давлатдории навини милӣ» ва «Пешвои миллат- эҳёгари Наврӯз» иборат мебошад.
АКС: АМИТ «Ховар»
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
