Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
ДУШАНБЕ, 28.08.2025. /АМИТ «Ховар»/. 25 август ҳайати Кумитаи кор бо ҷавонон ва варзиши назди Ҳукумати Ҷумҳурии Тоҷикистон зери роҳбарии раиси кумита Зулфиқор Гулаҳмадзода бо Академияи Кумитаи миллии олимпии Ҷумҳурии Исломии Эрон шинос гардид. Дар ин хусус ба АМИТ «Ховар» аз Кумитаи ҷавонон ва варзиши мамлакат хабар доданд.
Ҳайати Тоҷикистон бо имконоти илмӣ-таҳқиқотӣ, маркази тибби варзишӣ, толорҳои таълимӣ, толорҳои варзишӣ ва машқӣ, инчунин барномаҳои муосири тайёрии варзишгарони сатҳи ҷаҳонии Академия шинос гардид. Ҳамчунин ҳайат имконият пайдо намуд зӯрхонаеро, ки маркази асосии варзишҳои суннатии Эрон мебошад, дида, бо навъҳои гуногуни машқҳои суннатӣ ва нишон додани усулҳои омодагӣ ба варзишгарон шинос шавад. Ин шиносоӣ ҳамчунин имкони табодули таҷриба ва омӯзиши усулҳои анъанавии варзишии Эронро фароҳам овард.
Ҳарду ҷониб масъалаҳои ҳамкории минбаъда дар самти табодули таҷриба, ташкили даврҳои омӯзишӣ барои мураббиён ва доварон, дастгирии варзишгарони умедбахш ва таҳкими робитаҳои илмӣ-таҳқиқотӣ дар соҳаи варзишро баррасӣ намуданд.
Дар мулоқот таъкид гардид, ки таҳкими ҳамкории дуҷониба байни Тоҷикистон ва Эрон дар соҳаи варзиш на танҳо барои рушди низоми варзишӣ, балки тақвияти робитаҳои дӯстонаи ҳарду давлат низ аҳамияти муҳим дорад. Шиносоӣ дар фазои самимият ва ҳамкории созанда баргузор гардида, ҷонибҳо барои густариши ҳамкории минбаъда изҳори омодагӣ намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
