Беш аз 3 километр роҳҳои дохили Ҷамоати деҳоти Палдораки ноҳияи Мастчоҳ мумфарш карда мешавад
ДУШАНБЕ, 10.08.2025 /АМИТ «Ховар»/. Бо ташаббуси сокинони фаъол ва саҳми соҳибкорони саховатманди маҳаллӣ аз деҳаҳои Табушн ва Сабағи Ҷамоати деҳоти Палдораки ноҳияи Мастчоҳ мумфаршкунии беш аз 3 километр роҳҳои дохили маҳаллаҳо ба таври дастҷамъона оғоз гардид.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, дар кӯчаи Шехови Ҷамоати деҳоти Палдорак корҳои мумфаршкунӣ оғоз гардиданд. Дар марҳилаи аввал роҳҳои байни маҳаллаҳо ба талаботи муосири нақлиёт мутобиқ гардонида мешаванд. Қисмати боқимондаи кӯчаҳо низ тибқи нақшаи пешбинишуда марҳила ба марҳила асфалтпӯш хоҳад шуд.
8 август дар кӯчаи Валӣ Ализодаи деҳаи Сабағи Ҷамоати деҳоти Палдорак мумфаршкунии қитъаи роҳ бо дарозии зиёда аз 1200 метр оғоз гардид.
Раиси ноҳияи Мастчоҳ Аъзам Ализода аз саҳми шоистаи соҳибкорону сокинони маҳаллаи Сабағ дар татбиқи амалии ҳадафҳои созандагӣ арзи сипос намуда, чунин иқдомро намунаи ибрат ва нишони ифтихори баланди ватандӯстии сокинон арзёбӣ намуд.
Таъкид гардид, ки дар Иттиҳодияи хоҷагиҳои деҳқонии «Дӯстӣ» мумфаршкунии беш аз 3 километр роҳ дар 7 кӯчаи дохилӣ идома дорад. Ин иқдом бо ҳиссагузории соҳибкорону аҳолии маҳал амалӣ мегардад.
Бояд гуфт, ки дар доираи ҷашни 35-солагии Истиқлоли Ҷумҳурии Тоҷикистон мумфаршкунии роҳҳои маҳаллӣ идома дорад. То охири соли равон беш аз 17 километр роҳҳои дорои аҳамияти маҳаллӣ мумфарш карда мешаванд.
АКС: Мақомоти иҷрояи ҳокимияти давлатии ноҳияи Мастчоҳ
Пешвои миллат Эмомалӣ Раҳмон оид ба омодагӣ ба истиқболи ҷашни таърихии 35-солагии Истиқлоли давлатӣ машварати корӣ доир намуданд
Дар Тоҷикистон нахустин неругоҳи бодӣ бо иқтидори 200 киловатт ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент 1076 иншоот сохта ба истифода дода шудааст
СОЛИ ОБОДОНИВУ СОЗАНДАГӢ. Муассисаи давлатии мактаби варзишии шаҳри Истаравшан таъмир гардид
Бахшида ба 35-солагии Истиқлолияти давлатӣ китоби «Хуттали Қадим» аз чоп баромад
«Истиқлоли давлатӣ, озодиҳои эътиқодӣ ва оинҳои миллӣ». Таҳти ин унвон конфронси ҷумҳуриявӣ доир гардид
Кормандони Муассисаи давлатии истифодабарии роҳҳои ноҳияи Сино корҳои ободониро бахшида ба 35- солагии Истиқлоли давлатӣ вусъат додаанд
Бахшида ба фаъолияти соҳаи метрологияи тоҷик Конференсияи байналмилалии илмӣ-назариявӣ баргузор гардид
Сокинони деҳаи Меҳрбахши шаҳри Ваҳдат бо оби нӯшокӣ таъмин гардиданд
Дар Душанбе бахшида ба Рӯзи Ваҳдати миллӣ ҳамоиш баргузор шуд
Дар Душанбе Рӯзҳои фарҳанги шаҳри Турсунзода ва ноҳияҳои Қубодиён, Рӯдакӣ, Спитамен, Шаҳринав ва Панҷ баргузор мешаванд
Дар назди Муассисаи таҳсилоти миёнаи умумии деҳаи Хумгарони Панҷакент чор синфхонаи иловагӣ сохта мешавад
