Дар Донишкадаи байналмилалии Хуҷанд дар доираи омодагиҳо ба соли нави таҳсили 2025-2026 машварати корӣ баргузор гардид
ДУШАНБЕ, 04.08.2025 /АМИТ «Ховар»/. Дар доираи омодагиҳо ба соли нави таҳсили 2025-2026 дар Донишкадаи байналмилалии Хуҷанд бо иштироки ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо роҳбарони воҳидҳои сохтории ин муассисаи таълимӣ машварати корӣ баргузор гардид. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Зимни машварат масъалаҳои муҳими марбут ба сатҳу сифати таҳсилот, тақвияти интизоми меҳнатӣ, баланд бардоштани нақши роҳбарон дар рушди муҳити илмӣ ва таълимии Донишкада, беҳтарсозии шароити моддию техникӣ, истифодаи самараноки захираҳо ва омодагии ҳамаҷониба ба оғози соли нави таҳсил мавриди баррасӣ қарор гирифтанд.
Убайдулло Асрорзода таваҷҷуҳи ҳозиринро ба аҳамияти татбиқи сиёсати давлатӣ дар соҳаи маориф, бахусус баланд бардоштани сатҳи касбии омӯзгорон, гузаронидани ихтисосҳои донишкада аз аккредитатсияи байналмилалӣ, иштироки донишкада дар рейтинги байналмилалии «Донишгоҳҳои сабз», ҷалби омӯзгорон аз хориҷи кишвар, роҳандозии барномаҳои табодули академии донишҷӯён дар дохил ва хориҷи кишвар, ҷалби бештари донишҷӯён ба раванди таҳсил ва таҳкими робита бо муассисаҳои таълимии хориҷӣ ҷалб намуд.
Таъкид гардид, ки бояд тамоми воҳидҳои сохторӣ ҷиҳати сари вақт ва бо сифати баланд анҷом додани корҳои омодагӣ ба соли нави таҳсил иқдомоти заруриро роҳандозӣ намоянд.
Дар анҷоми машварат барои тақвияти фаъолияти таълимӣ, илмию инноватсионӣ, тарбиявӣ ва робитаҳои байналмилалӣ роҳбарони воҳидҳои сохторӣ вазифадор карда шуданд.
АКС: Донишгоҳи байналмилалии сайёҳӣ ва соҳибкории Тоҷикистон
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
