Дар Ниммарафони байналмилалии экологии кӯҳии «Seven Lakes» варзишгарони 10 давлати ҷаҳон иштирок намуданд
ДУШАНБЕ, 04.08.2025. /АМИТ «Ховар»/. Аз 2 то 3 августи соли 2025 дар шаҳри Панҷакент Ниммарафони байналмилалии экологии кӯҳии «Seven Lakes» дар масофаҳои 3, 10 ва 21 км бо иштироки варзишгарон аз 10 давлати ҷаҳон баргузор гардид, ки ҳадафаш рушди варзиш ва тарғиби тарзи ҳаёти солим дар ҷомеа мебошад. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар маросими ифтитоҳи Ниммарафони байналмилалии экологии кӯҳии «Seven Lakes» иброз шуд, ки ҳадафи ин ниммарафон, пеш аз ҳама, оммавигардонии варзиш, ҷалби мардум ба роҳгардии саломатӣ, рушди сайёҳии экологию варзишӣ, табодули таҷрибаи варзишгарони хориҷию дохилӣ дар чунин чорабиниҳои байналмилалӣ, тарғиби тарзи ҳаёти экологӣ, рушди эко-туризм ва ҷалби ҷавонон ба варзиш мебошад.
Дар ниммарафон 200 нафар дӯстдорони варзиши экологию сайёҳии «трейлраннинг» (пиёдагардӣ дар масири кӯҳистон) бо ҳам рақобат намуданд.
Ёдовар мешавем, ки соли 2024 дар Ниммарафони байналмилалии экологии кӯҳии «Ҳафткӯл-2024» беш аз 200 варзишгар аз 12 давлати ҷаҳон иштирок намуда буд. Ниммарафон бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Панҷакент дар доираи татбиқи «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» доир гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
