Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
ДУШАНБЕ, 30.08.2025. /АМИТ «Ховар»/. Имрӯз омӯзгорон, донишҷӯён ва хонандагони муассисаҳои таълимии вилояти Суғд тавассути телевизион суханронии Президенти Ҷумҳурии Тоҷикистон муҳтарам Эмомалӣ Раҳмонро ба муносибати Рӯзи дониш ва Дарси сулҳ дастҷаъмона тамошо намуданд. Дар ин хусус АМИТ «Ховар» бо истинод ба Раёсати маорифии вилояти Суғд иттилоъ медиҳад.
Баъди тамошои суханронии Президенти мамлакат муҳтарам Эмомалӣ Раҳмон бахшида ба Рӯзи дониш дар Донишгоҳи байналмилалии сайёҳӣ ва соҳибкории Тоҷикистон, масъулини соҳаи маорифи вилоят машварат ороста, ҷиҳати иҷрои саривақтии дастуру супоришҳои Сарвари давлат андешидани тадбирҳои муҳимро таъкид намуданд.
Бояд гуфт, ки омодагӣ ба соли нави таҳсил дар вилояти Суғд нисбат ба солҳои қаблӣ беҳтар ба назар мерасад: шумораи муассисаҳои нав, синфхонаҳо ва толорҳои варзишӣ меафзояд, имкониятҳои таълимӣ барои кӯдакон ва наврасон бештар мешавад. Ин нишонаи таваҷҷуҳи давлату Ҳукумати мамлакат ва соҳибкорон ба соҳаи маориф мебошад.
Иттилоъ дода шуд, ки дар шаҳру ноҳияҳои вилояти Суғд то имрӯз 34 иншоот бо 3370 ҷойи нишаст дар як баст, аз ҷумла дар 15 муассисаи таҳсилоти миёнаи умумӣ 57 синфхона бо 1720 ҷойи нишаст ба истифода дода шуд. Ҳамчунин 3 толори варзишӣ 4 майдончаи варзишӣ ва 19 бинои муассисаи таҳсилоти томактабӣ мавриди истифода қарор гирифт.
Соли 2025 чопи китобҳои дарсӣ беш аз 8 миллион нусхаро ташкил дода, ба муассисаҳои таълимӣ ворид гардидааст. Инчунин дар доираи «Барномаи ҷорӣ намудани технологияҳои иттилоотӣ ва коммуникатсионӣ дар муассисаҳои таҳсилоти умумии Ҷумҳурии Тоҷикистон барои солҳои 2024–2028», ба 80 муассисаи таълимии вилояти Суғд аз ҷониби Вазорати маориф ва илми Ҷумҳурии Тоҷикистон 264 компютер, 32 принтер, 31 тахтаи электронӣ ва 31 проектори мултимедиавӣ тақдим гардид. Муассисаҳои таълимӣ низ 604 компютер, 110 тахтаи электронӣ, 114 проектори мултимедиавӣ ва 55 принтер харидорӣ карданд.
АКС: Раёсати маорифии вилояти Суғд
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
