ТАҚВИМИ АМИТ «ХОВАР»: имрӯз 28 август, панҷшанбе, 240-умин рӯзи соли 2025 аст

28 августи соли 1992 байни Тоҷикистон ва Ҳиндустон муносибати дипломатӣ барқарор гардид.

***

28 августи соли 2008 байни Вазорати энергетика ва саноати Ҷумҳурии Тоҷикистон ва ширкати чинии «Yunnan Phosphate Chemical Group Co., LTD» Ёддошти тафоҳум оид ба ҳамдигарфаҳмӣ  ба имзо расид.

***

28 августи соли 2009 минтақаҳои озоди иқтисодии «Ишкошим» ва «Данғара» таъсис дода шуданд.

***

28 августи соли 2012 дар маҷлиси Ҳукумати Ҷумҳурии Тоҷикистон, ки таҳти раёсати Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон баргузор гардид, ба яке аз қуллаҳои баланди қаторкӯҳи Помир, ки аз ҷониби 75 нафар кӯҳнавардон аз 17 кишвари ҷаҳон фатҳ гардидааст, «20-солагии Иҷлосияи 16-уми Шурои Олии Ҷумҳурии Тоҷикистон» ном гузошта шуд.

***

Дар ин рӯзи соли 2015 Президенти Ҷумҳурии Тоҷикистон муҳтарам Эмомалӣ Раҳмон ба истиқболи 24-солагии Истиқлолияти давлатии Ҷумҳурии Тоҷикистон гурӯҳи калони кормандони касбу кори гуногунро, ки зимни фаъолият ба дастовардҳои намоён ноил гардидаанд, бо мукофотҳои давлатӣ, рутбаҳои баланди низомию махсус ва ҷоизаҳои давлатӣ сарфароз гардониданд.

***

28 августи соли 2018 Президенти Ҷумҳурии Тоҷикистон муҳтарам Эмомалӣ Раҳмон бо Сарвазири мамлакат Қоҳир Расулзода ва Раиси шаҳри Душанбе муҳтарам Рустами Эмомалӣ дар маросими ифтитоҳи Муассисаи давлатии Боғи фарҳангию фароғатии «Кӯли ҷавонон», ки баъди навсозӣ ба макони дилфиреби сайру тамошо табдил ёфтааст, иштирок намуданд.

***

28 августи соли 2020 дар Қасри миллат Президенти Ҷумҳурии Тоҷикистон муҳтарам Эмомалӣ Раҳмон ба истиқболи 29-солагии Истиқлоли давлатии Ҷумҳурии Тоҷикистон ба намояндагони гуногункасб, ки дар фаъолияти корӣ натиҷаҳои назаррас доранд, мукофотҳои давлатӣ ва унвону ҷоизаҳои давлатӣ супориданд.

***

28 августи соли 2022 дар ноҳияи Данғара  Комплекси агросаноатии мурғпарварии Ҷамъияти дорои масъулияти маҳдуди «Мармарӣ» ифтитоҳ гардид.

***

28 августи соли 2023 ташаббусҳои глобалии Президенти Ҷумҳурии Тоҷикистон муҳтарам Эмомалӣ Раҳмон дар самти об ва тағйирёбии иқлим зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва Вазири рушди байналмилалии Канада Аҳмед Ҳуссен баррасӣ гардиданд.

***

Дар ин рӯзи соли 2024 бахшида ба 33-солагии Истиқлоли давлатии Ҷумҳурии Тоҷикистон бо ибтикори Мақомоти иҷроияи ҳокимияти давлатии ноҳияи Синои шаҳри Душанбе гулгашти замонавӣ бо пайкараҳои ҳайвоноти нодири Тоҷикистон, аз қабили Марко Поло, бабри барфӣ, оҳуи бухороӣ ва бузи пармашох (морхӯр), ки бо дизайни замонавӣ аз ҷониби мутахассисони маҳаллӣ бо санги мармар сохта шудаанд, таъсис ёфт.

28 АВГУСТ:

Рӯзи орзу.

ДАР ИН РӮЗ ТАВАЛЛУД ШУДААНД:

Мансур Бобохонов — соли 1931, — муаррих, доктори илмҳои таърих (1976), профессор (1978), узви пайвастаи Академияи илмҳои педагогӣ ва иҷтимоии Федератсияи Русия, узви пайвастаи Академияи байналмилалии илмии мактабҳои олӣ (1995), Арбоби шоистаи илми Ҷумҳурии Тоҷикистон.