Ба ҳайати омӯзгорон ва хонандагон дар ноҳияҳои Шоҳмансур ва Фирдавсӣ қонунҳо ва санадҳои меъёрии ҳуқуқӣ шарҳ дода шуданд
ДУШАНБЕ, 13.09.2025. /АМИТ «Ховар»/. Бо ташаббуси Прокуратураи шаҳри Душанбе ва Раёсати Вазорати корҳои дохилии Ҷумҳурии Тоҷикистон дар шаҳри Душанбе бо омӯзгорону хонандагони муассисаҳои таълимии ноҳияҳои Шоҳмансур ва Фирдавсӣ вохӯрӣ доир шуд. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Зимни вохӯрӣ қонунҳои Ҷумҳурии Тоҷикистон «Дар бораи масъулият барои таълиму тарбияи кӯдак», «Дар бораи тарбияи ватандӯстии шаҳрвандон» ва дигар санадҳои меъёрии ҳуқуқӣ шарҳу тавзеҳ дода шуданд.
Дар вохӯрӣ оид ба хунукназарона рафтор намудани бархе падару модарон нисбат ба таълиму тарбияи фарзандон, сари вақт ҳозир нашудан ба дарсҳо, овардан ва истифода бурдани телефони мобилӣ, истифодаи ғайримақсадноки шабакаҳои иҷтимоӣ, бахусус «Instagram» аз ҷониби ноболиғон суҳбат доир гардид. Таъкид карда шуд, ки муноқишаҳои гурӯҳӣ, ҳамроҳшавии ҷавонону наврасон ба ҳар гуна ҳизбу ҳаракатҳои дорои хусусияти террористи экстремистӣ пешгирӣ карда шуда, наврасону ҷавонон бояд дар ин вазъият зираку ҳушёр бошанд.
Иброз гардид, ки дар баробари ғамхориҳои давлату ҳукумат ҷавонону наврасонро мебояд вақти пурқимати худро ғанимат дониста, бештар илму дониш омӯзанд. Зеро ояндаи давлату миллат аз наврасону ҷавонон вобастагӣ дошта, танҳо он нафаре метавонад дар пешрафту тараққиёти ҷомеа саҳми арзанда гузорад, ки дорои ҳисси баланди ватандӯстӣ ва илму дониши замонавӣ бошад.
АКС: Сарраёсати маорифи шаҳри Душанбе
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
