Бонки миллии Тоҷикистон ҳамкориро бо Бонки марказии Туркия тақвият медиҳад
ДУШАНБЕ, 30.09.2025 /АМИТ «Ховар»/. Таҳкими ҳамкорӣ байни Бонки миллии Тоҷикистон ва Бонки марказии Туркия дар мулоқоти Раиси Бонки миллии Тоҷикистон Фирдавс Толибзода бо раиси Бонки марказии Туркия Фатих Карахан дар Истанбул баррасӣ гардид, иттилоъ медиҳад АМИТ «Ховар» бо истинод ба Бонки миллӣ.
Дар мулоқот таъкид шуд, ки Туркия яке аз шарикони доимии Тоҷикистон буда, робитаҳои тиҷоратию молиявӣ байни ду давлат дорои заминаҳои қавӣ мебошанд. Раиси Бонки миллии Тоҷикистон оид ба дастовардҳо ва ислоҳоти дар низоми бонкии Тоҷикистон гузаронида, нишондиҳандаҳои омории низоми бонкӣ дар соли 2025, сатҳи муътадили таваррум, устувории молиявӣ ва афзоиши сатҳи эътимоди мардум маълумот дод.
Ислоҳоти молиявӣ дар Тоҷикистон ба фароҳам овардани шароити мусоид барои сармоягузорони хориҷӣ ва таъмини муҳити молиявии шаффофу пешгӯишаванда равона шуда, солҳои охир ҳиссаи устувори иштироки сармояи хориҷӣ дар сармояи ташкилоти қарзии мамлакат мушоҳида мешавад.
«Мо ҳузур ва эҳтимоли густариши бонкҳои туркиро дар бозори худ истиқбол мекунем, зеро иштироки онҳо ба таҳкими рақобат, амалӣ кардани таҷрибаи пешрафтаи молиявӣ ва дастгирии рушди устувори иқтисодӣ мусоидат менамояд»,- таъкид намуд раиси Бонки миллии Тоҷикистон.
Иброз гардид, ки самтҳои нави ҳамкорӣ, аз ҷумла татбиқи таҷрибаи муосири Туркия дар бахши рақамисозӣ ва технологияҳои бонкии инноватсионӣ барои рушди низоми молиявии Тоҷикистон муҳим арзёбӣ мегарданд.
АКС: Бонки миллии Тоҷикистон
ҚУРБИ АСЪОР: 1 евро аз 10.7054 то 10.6000 сомонӣ муқаррар шудааст
ҚУРБИ АСЪОР: 1 доллари ИМА аз 9.2104 то 9.2500 сомонӣ муқаррар шудааст
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Бонки миллии Тоҷикистон ҳамкориро бо Бонки миллии Швейтсария тақвият медиҳад
ҚУРБИ АСЪОР: 1 рубли русӣ аз 0.1132 то 0.1130 сомонӣ муқаррар шудааст
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
ҚУРБИ АСЪОР: 1 евро аз 10.7517 то 10.7000 сомонӣ муқаррар шудааст
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
ҚУРБИ АСЪОР: 1 рубли русӣ аз 0.1171 то 0.1150 сомонӣ муқаррар шудааст
