Дурнамои ҳамкории Тоҷикистон ва Русия дар самти сайёҳӣ баррасӣ гардид
ДУШАНБЕ, 02.09.2025 /АМИТ «Ховар»/. 1 сентябр Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумахонзода бо Намояндаи тиҷоратии Федератсияи Русия Александр Рибас вохӯрӣ намуд, ки зимни он ҷонибҳо вазъ ва дурнамои рушди минбаъдаи соҳаи сайёҳӣ, инчунин таҳкими ҳамкории дуҷонибаро баррасӣ намуданд. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.
Зимни мулоқот раиси кумита оид ба афзоиши устувори ҳарсолаи ҷараёни сайёҳон аз Русия ишора намуда, изҳори умедворӣ кард, ки ин раванд дар оянда низ идома меёбад.
Ҷумҳурии Тоҷикистон на танҳо ба зиёд шудани шумораи сайёҳон аз Федератсияи Русия, балки ба рушди ҳамкории сармоягузорӣ бо ширкатҳои русӣ ва мубодилаи таҷрибаи мақомоти давлатӣ ва мутахассисони соҳаи сайёҳӣ низ манфиатдор аст.
Александр Рибас тамоюли ташрифи сайёҳон аз Русия ва дигар кишварҳо ба Тоҷикистонро истиқбол намуда, манфиатдории ҷониби Русияро ба таҳкими ҳамкорӣ тасдиқ намуд. Ӯ махсусан дурнамои татбиқи лоиҳаҳои муштараки инфрасохториро дар ҳудуди Тоҷикистон таъкид кард.
Ба масъалаи баланд бардоштани шинохт ва муаррифии ҷозибаи нодири сайёҳии Тоҷикистон ва имконияти ташкили лоиҳаҳои муштараки расонаӣ бо ҷалби блогерҳо ва шахсиятҳои маъруфи рус низ таваҷҷуҳ зоҳир карда шуд.
Дар поёни мулоқот тарафҳо оид ба ҳамкории наздик барои амалӣ намудани тавофуқҳои ҳосилшуда ва ташкили кори муштарак оид ба ҷалби доираҳои тиҷоратии Русия ба татбиқи лоиҳаҳои сармоягузорӣ дар соҳаи сайёҳӣ ба мувофиқа расиданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Ассотсиатсияи миллии сайёҳии Тоҷикистон таъсис дода шуд
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
