ИСТИҚЛОЛ — МАЗҲАРИ ИФТИХОР ВА САРФАРОЗИИ ТОҶИКОН. Доир ба он дар Маркази миллии патенту иттилоот ҳамоиши идона баргузор гардид
ДУШАНБЕ, 06.09.2025 /АМИТ «Ховар»/. 5 сентябр дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Тоҷикистон бахшида ба 34-солагии Истиқлоли давлатии Ҷумҳурии Тоҷикистон ҷаласаи тантанавӣ баргузор гардид. Дар ин хусус ба АМИТ «Ховар» аз ин муассиса иттилоъ доданд.
Директори муассиса Мирзо Исмоилзода баён намуд, ки «сиву чор сол муқаддам, яъне 9 сентябри соли 1991 муҳимтарин воқеаи таърихии сарнавишти миллати тоҷик ба вуқуъ омад: Истиқлоли давлатии Ҷумҳурии Тоҷикистон эълон гардид. Истиқлол мазҳари ифтихор ва сарфарозию сарбаландии ҳар тоҷику тоҷикистонӣ ба ҳисоб меравад, зеро соҳибистиқлолӣ ба мардуми тоҷик волотарин ва пурарзиштарин дастовардҳои миллию давлатиро эҳдо намуд».
Дар замони Истиқлоли давлатӣ таҳти роҳбарии хирадмандонаи Пешвои муаззами миллат арзишҳои волои аҷдодӣ, оину суннатҳои давлатдории миллӣ эҳё шуда, таърихи пурғановати халқи тоҷик ва таҳқиқу омӯзиши он вусъати тоза пайдо намуд. Дар замони соҳибистиқлолӣ бо амалӣ намудани ҳадафҳои стратегии давлату ҳукумат, ба монанди таъмини амнияти озуқаворӣ, раҳоӣ аз бунбасти коммуникатсионӣ, ноил шудан ба истиқлолияти энергетикӣ ва саноатикунонии босуръати мамлакат Ҷумҳурии Тоҷикистон ба пешрафти назарраси иқтисодию фарҳангӣ ноил гардида, рӯ ба фардои ободу дурахшон овардааст.
Дар анҷоми ҳамоиш як зумра кормандони муассиса аз ҷониби муассиса ва Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бо Сипоснома, Ифтихорнома ва нишонҳо қадрдонӣ карда шуданд.
АКС: Муассисаи давлатии «Маркази миллии патенту иттилоот»-и Вазорати рушди иқтисод ва савдои Тоҷикистон
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
