Муносибатҳои сиёсию иқтисодӣ ва фарҳангии Тоҷикистон бо давлатҳои Аврупо баррасӣ гардид
ДУШАНБЕ, 25.09.2025 /АМИТ «Ховар»/. Имрӯз дар Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон таҳти унвони «Муносибатҳои сиёсию иқтисодӣ ва фарҳангии Ҷумҳурии Тоҷикистон бо кишварҳои Аврупо: ҳолат ва дурнамо» ҳамоиши илмӣ-назариявӣ баргузор гардид, хабар доданд ба АМИТ «Ховар» аз ин институт.
Дар ҳамоиш муҳаққиқон, олимон ва намояндагони муассисаҳои дахлдор масъалаҳои марбут ба рушди муносибатҳои гуногунҷанба байни Ҷумҳурии Тоҷикистон ва давлатҳои аврупоиро мавриди баррасӣ қарор доданд.
Иброз гардид, ки муносибатҳои Тоҷикистон бо мамлакатҳои Аврупо беш аз се даҳсола рушд намуда, имрӯзҳо ҳамкорӣ дар бахшҳои сиёсӣ, иқтисодӣ, фарҳангӣ ва илмиро фаро мегирад.
Дар ҳамоиш ба дурнамо ва имконияти нави ҳамкории судманд байни Тоҷикистон ва давлатҳои аврупоӣ таваҷҷуҳ зоҳир гардида, зарурати таҳкими робитаҳо дар самтҳои тиҷорат, сармоягузорӣ, таҳсили олӣ ва мубодилаи фарҳангӣ таъкид карда шуд.
Бо ишора ба иқдоми байналмилалии Тоҷикистон дар самти ҳифзи муҳити зист ва ташаббусҳои ҷаҳонӣ оид ба масъалаи об иброз гардид, ки густариши ҳамкорӣ бо давлатҳои аврупоӣ метавонад ба татбиқи барномаҳои миллӣ ва минтақавӣ дар бахши рушди устувор мусоидат намояд.
Дар ҳамоиш пешниҳодҳо ва тавсияҳои муҳаққиқон барои густариши ҳамкории минбаъдаи Тоҷикистону давлатҳои Аврупо баён гардиданд.
АКС: Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
