«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
ДУШАНБЕ, 01.09.2025 /АМИТ «Ховар»/. Бо шарофати сиёсати Президенти Ҷумҳурии Тоҷикистон муҳтарам Эмомалӣ Раҳмон дар даврони Истиқлол занон ҳамчун қишри фаъоли ҷомеа дар рушди соҳаҳои муҳими мамлакат, аз ҷумла маориф, тандурустӣ, фарҳанг, сиёсат ва соҳибкорӣ саҳми назаррас гузоштанд. Ин нукта дар конфронси ҷумҳуриявӣ таҳти унвони «Ҷойгоҳи зан дар даврони Истиқлол», ки дар шаҳри Левакант баргузор гардид, баён гардид. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон иттилоъ медиҳад.
Конфронс бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Хатлон гузаронида шуда, ҳадафаш аз арҷгузорӣ ба мақоми зан дар ҷомеа, тақвияти нақши онҳо дар тамоми соҳаҳо ва ҳавасмандгардонии занону духтарон ба зиндагии шоиста ва фаъолияти созанда иборат буд.
Зимни конфронс Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода вобаста ба нақш ва мақоми зан дар ҷомеаи муосир, дастовардҳои занон дар замони истиқлол, ташаббусҳои Пешвои миллат оид ба тақвияти мақоми зан дар ҷомеа, таъмини баробарҳуқуқии гендерӣ ва дигар масъалаҳои муҳими иҷтимоӣ сухан гуфт.
Дар доираи конфронси ҷумҳуриявӣ ҳунарҳои миллӣ ва дастовардҳои занони шаҳру ноҳияҳои вилояти Хатлон ба намоиш гузошта шуданд. Меҳмонон бо маҳсули ҳунар ва эҷодиёти занону духтарони ҳунарманд шинос шуданд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Имрӯз дар шаҳри Душанбе ҳаво то 33 дараҷа гарм мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
