Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
ДУШАНБЕ, 23.09.2025. /АМИТ «Ховар»/. Тоҷикистонро дар Бозиҳои сеюми кишварҳои Иттиҳоди Давлатҳои Мустақил 208 нафар, аз ҷумла 59 нафар масъулину мураббиён, 7 нафар намояндагони воситаҳои ахбори омма ва 142 нафар варзишгарон аз рӯи 18 намуди варзиш муаррифӣ менамоянд. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Бозиҳои сеюми кишварҳои Иттиҳоди Давлатҳои Мустақил аз 25 сентябр то 9 октябри соли 2025 дар Ҷумҳурии Озорбойҷон аз рӯи 22 намуди варзиш баргузор мегарданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ҳайати варзишгарони мамлакат, ки ба ин мусобиқа сафар мекунанд, вохӯрӣ намуд.
Иброз гардид, ки иштироки варзишгарон дар ин мусобиқа на танҳо масъулияти шахсӣ, балки рисолати ватандӯстона ва ифтихори миллӣ мебошад. Варзишгарон даъват карда шуданд, ки бо фарҳангу маданияти баланд ва ҷасорату иродаи қавии тоҷикона нуфузи варзиши Тоҷикистонро дар ин чорабинии сатҳи баланди варзишӣ дучанд намоянд, то ба туфайли дастоварди ҳар яки онҳо Парчами давлатӣ парафшон гардад.
Мадина Қурбонзода – барандаи медали тиллои Чемпионати Осиё байни духтарон ҳамчун парчамбардори дастаи мунтахаби Тоҷикистон зимни кушодашавии Бозиҳои сеюми кишварҳои Иттиҳоди Давлатҳои Мустақил парчами дастаи мунтахаби Тоҷикистонро хоҳад бардошт.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
