Вакили Маҷлиси намояндагон Барно Саидвализода бо сокинону интихобкунандагон дар ноҳияҳои Муъминобод, Шамсиддин Шоҳин ва Ховалинг вохӯрӣ намуд

Сентябрь 8, 2025 09:40

ДУШАНБЕ, 08.09.2025 /АМИТ «Ховар»/. Дар асоси қарори Шурои Маҷлиси намояндагони Маҷлиси Олии Ҷумҳурии Тоҷикистон аз 1 то 10  сентябр вохӯрии вакилон бо сокинону интихобкунандагон дар шаҳру ноҳияҳои мамлакат вохӯрии вакилон бо интихобкунандагон баргузор мегардад.

Дар доираи ин нақша вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Муъминобод №38 Барно Саидвализода дар ҷамоати шаҳраки Чорсӯ ва ҷамоати деҳоти Тӯтиёни ноҳияи Муъминобод, ҷамоатҳои деҳоти Даштиҷуму Лангардараи ноҳияи Шамсиддин Шоҳин, инчунин дар ҷамоати шаҳраки Мунк ва ҷамоати деҳоти Шугнови ноҳияи Ховалинг бо сокинон мулоқот анҷом дод.

Зимни вохӯриҳо вакили мардумӣ доир ба масъалаҳои муҳим, аз ҷумла хизматҳо ва ташаббусҳои байналмилалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, баргузории интихоботи  Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ, ҳамчунин мазмуну муҳтавои санадҳои меъёрии ҳуқуқӣ, ки қаблан аз ҷониби Парлумони мамлакат қабул гардидаанд, ибрози андеша намуд.

Ҳамчунин Барно Саидвализода оид ба вазъи сиёсати дохилию хориҷии мамлакат, татбиқи сиёсати самараноки молиявӣ, ҷалби сармоя, рушди соҳибкорӣ, пешгирии зуҳуроти номатлуб ва дигар самтҳои афзалиятноки рушди давлат дар замони соҳибистиқлолӣ сухан гуфт.

Дар баробари таҳлили амиқи вазъи сиёсию иҷтимоии мамлакат ва шарҳи моҳияти сиёсати давлату Ҳукумат ба саволҳои сокинон низ посухҳои мушаххас дода шуд.

Илова бар ин 6 сентябр вакили Маҷлиси намояндагон бо мақсади пос доштани ҷоннисорӣ ва арҷгузорӣ ба шахсияти сарбозони шаҳид ба хонаҳои шаҳидони зиндаёд Салоҳиддин Гадоев ва Шуҳрат Наҷмуддинзода дар ноҳияи Ховалинг ташриф овард.


Зимни боздид вакил ба модарони шаҳидон изҳори таслият намуда, таъкид кард, ки фидокориҳои фарзандони шуҷоъ ҳаргиз фаромӯш намешаванд. Ӯ суханони Пешвои миллат муҳтарам Эмомалӣ Раҳмонро ёдовар шуд, ки: «Мо ҳаргиз фарзандони шуҷои Ватанро, ки ҷони худро барои сулҳу оромии ҷомеа ва амнияти давлат нисор кардаанд, фаромӯш намекунем. Қаҳрамониҳои онҳо дар саҳифаҳои таърихи миллат бо ҳарфи заррин сабт хоҳанд шуд».

Ҳамзамон ба оилаҳои шаҳидон кумаки моддӣ расонида шуда, ба волидони онҳо барои сабру матонат ва тарбияи фарзандони ватандӯст изҳори сипос карда шуд.

Ин иқдом ҳамчун нишони эҳтиром ба хизматҳои фарзандони шуҷоъ ва арҷгузорӣ ба қаҳрамонии ҷавононест, ки барои сулҳу суботи Тоҷикистон ҷонфидоёна мубориза бурдаанд.

АКС: АМИТ «Ховар»

Сентябрь 8, 2025 09:40

Хабарҳои дигари ин бахш

Ҷаласаи ғайринавбатии Шурои Маҷлиси намояндагон, даъвати ҳафтум баргузор гардид
1 октябр иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
1 октябр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Дар кумитаи Маҷлиси миллӣ оид ба иқтисодиёт ва коммуникатсия қонунҳои дахлдор баррасӣ гардиданд
Бахшида ба Рӯзи Маҷлиси Олӣ — Парламенти Ҷумҳурии Тоҷикистон ҳамоиши идона доир гардид
1 октябр иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мешавад
1 октябр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Оид ба ҳамоҳангсозии фаъолияти Маҷлиси миллӣ бо Маҷлиси намояндагон ва робитаҳои байнипарлумонӣ ҷаласа доир шуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Он низоми ҳуқуқии мамлакатро дар асоси манфиатҳои миллӣ ташаккул медиҳад
1 октябр иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир шуд
Ҷаласаи кумитаи Маҷлиси миллии Маҷлиси Олӣ оид ба масъалаҳои аграрӣ, шуғли аҳолӣ ва экология баргузор гардид