Вакили Маҷлиси намояндагон бо масъулони соҳаи маорифи шаҳри Хуҷанд вохӯрӣ намуд
ДУШАНБЕ, 06.09.2025 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров мулоқоти вакили Маҷлиси намояндагони Маҷлиси Олии Ҷумҳурии Тоҷикистон, муовини раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба илм, маориф, фарҳанг ва сиёсати ҷавонон Дилноза Аҳмадзода бо устодону донишҷӯёни ин донишгоҳ ва масъулони соҳаи маорифи шаҳри Хуҷанд доир гардид. Дар ин хусус ба АМИТ «Ховар» аз дафтари матбуоти Раиси шаҳри Хуҷанд хабар доданд.
Ректори Донишгоҳи давлатии Хуҷанд Мирзотоҳир Набизода иброз намуд, ки «Истиқлоли давлатӣ барои миллати тоҷик бузургтарин дастоварди таърихист, ки бо он роҳи нав, марҳилаи тоза ва имконияти фарохи рушди иҷтимоӣ, сиёсӣ, фарҳангӣ ва иқтисодӣ оғоз гардид. Маҳз бо эъломи истиқлол халқи тоҷик тавонист, ки орзуи деринаи худ – доштани давлати мустақил, рамзҳои давлатӣ ва мақоми шоистаро дар ҷомеаи ҷаҳонӣ амалӣ гардонад».
Истиқлоли давлатӣ танҳо санаи таърихӣ нест, балки рамзи озодӣ, ҳувияти миллӣ ва ифтихори ҳар фарди ҷомеа мебошад. Бо ҳидояту роҳнамоиҳои Президенти Ҷумҳурии Тоҷикистон муҳтарам Эмомалӣ Раҳмон ва зери парчами Истиқлоли давлатӣ миллати тоҷик тавонист давраи пурошӯби ҷанги шаҳрвандиро паси сар намуда, бо талошу заҳмати аҳлонаву пайваста ба роҳи сулҳу субот, бунёдкорӣ ва рушди устувор ворид шавад.
Вакили Маҷлиси намояндагони Маҷлиси Олии Ҷумҳурии Тоҷикистон Дилноза Аҳмадзода истиқлолро бузургтарин дастоварди таърихии миллати тоҷик арзёбӣ намуд. Иброз гардид, ки Пешвои миллат муҳтарам Эмомалӣ Раҳмон бо ҷидду ҷаҳди хеш тавонистанд пояҳои давлатдории миллиро таҳким бахшанд ва Тоҷикистонро ба марҳалаи нави рушд ворид созанд.
Бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон имрӯз истиқлол ба мактаби бузурги худшиносӣ ва худогоҳии миллӣ табдил ёфтааст. Аз ин рӯ, ҳифз ва гиромидошти он вазифаи муқаддаси ҳар шаҳрванди мамлакат мебошад. Истиқлол барои миллати тоҷик на танҳо гузашта ва имрӯзу фардо, балки роҳи абадии давлатдорӣ, ваҳдат ва худшиносии миллӣ мебошад.
АКС: Дафтари матбуоти Раиси шаҳри Хуҷанд
Дар иҷлосияи дуюми Маҷлиси намояндагон ба якчанд қонун тағйиру илова ворид карда шуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Раиси Маҷлиси намояндагон бо Сафири Чин дар Тоҷикистон вохӯрӣ намуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
