БОКС. Варзишгарони навраси тоҷик ба марҳилаи нимниҳоии Бозиҳои ИДМ-2025 роҳ ёфтанд
ДУШАНБЕ, 02.10.2025. /АМИТ «Ховар»/. Шуруъ аз 28 сентябр дар Ҷумҳурии Озарбойҷон Бозиҳои сеюми кишварҳои Иттиҳоди Давлатҳои Мустақил аз рӯйи 22 намуд ҷараён доранд, ки то 8 октябр идома меёбанд. Аз Ҷумҳурии Тоҷикистон 7 муштзани навраси тоҷик ба марҳилаи нимниҳоӣ роҳ ёфтанд. Дар ин хусус шореҳи варзиши АМИТ «Ховар» Меҳрони Қурбон аз макони баргузории бозиҳо иттилоъ додааст.
Варзишгари навраси тоҷик Амир Нозимов дар вазни 75 килограмм дар рақобати аввал бар намояндаи мизбон Ниҷат Иманов ғолиб омада, ба даври нимниҳоӣ баромад. Беҳрӯз Умаров дар вазни 50 килограмм дар марҳилаи чаҳорякниҳоӣ ба муқобили намояндаи Беларус Рамил Ҳурбанау пирӯзӣ ба даст овард. Дамир Назаров дар вазни 46 килограмм дар марҳилаи чаҳорякниҳоӣ намояндаи Туркманистон Салим Мередовро мағлуб намуд. Аъзамҷон Ҳасанов дар вазни 48 килограмм дар марҳилаи чаҳорякниҳоӣ намояндаи Русия Анвар Жалбуровро мағлуб намуда, ба даври нимниҳоӣ баромад.
Инчунин Акбарҷон Абдуллоев дар вазни 57 килограмм дар даври чаҳорякниҳоӣ бар намояндаи Қирғизистон Алихан Эргешов ғолиб шуд. Умарҷон Асроров дар вазни 66 килограмм дар марҳилаи чаҳорякниҳоӣ намояндаи Озарбойҷон — Даниз Зайналовро мағлуб карда, ба марҳилаи нимниҳоӣ расид. Фурӯғ Сарҳадзода дар вазни 66 килограмм ба муқобили намояндаи мизбон дар рақобати духтарон ғолиб омада, ба марҳилаи нимниҳоӣ баромад.
Ин нишони он аст, ки новобаста аз натиҷаи баъдӣ муштзанҳои мо дар Бозиҳои Иттиҳоди Давлатҳои Мустақил -2025 соҳиби 7 медали биринҷӣ мебошанд.
АКС: АМИТ «Ховар»
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
