Дар Душанбе ҷаласаи 38-уми Шурои ҳамкорӣ дар соҳаи тандурустии кишварҳои аъзои ИДМ ба кори худ оғоз намуд
ДУШАНБЕ, 03.10.2025. /АМИТ «Ховар»/. Имрӯз дар Китобхонаи миллии Тоҷикистон ҷаласаи 38-уми Шурои ҳамкорӣ дар соҳаи тандурустии кишварҳои аъзои Иттиҳоди Давлатҳои Мустақил (ИДМ) ба кори худ оғоз намуд, иттилоъ медиҳад хабарнигори АМИТ «Ховар» аз ҷараёни баргузории ин чорабинӣ.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иброз намуд, ки қарорҳои дар ҷаласаи 38-уми Шурои ҳамкорӣ дар соҳаи тандурустии кишварҳои аъзои Иттиҳоди Давлатҳои Мустақил қабулшуда дар рушд, таҳкими ҳамкорӣ ва ҳалли масъалаҳои соҳаи тандурустии кишварҳои Иттиҳоди Давлатҳои Мустақил нақши муҳим хоҳад гузошт.
Дар назар аст, ки дар ҷаласа масъалаҳои таҳкими ҳамкории давлатҳои аъзои Иттиҳоди Давлатҳои Мустақил дар самтҳои асосии рушди соҳаи тандурустӣ дар фазои ИДМ, аз ҷумла барқарорсозии тиббӣ, табобатӣ, санаторию курортӣ, инноватсияҳо дар ёрии аввалияи тиббию санитарӣ ва қонунгузории намунавӣ дар соҳаи ҳифзи саломатӣ мавриди баррасӣ қарор мегиранд.
Дар нишаст инчунин масъалаҳои иҷрои қарорҳои мақомоти олии Иттиҳоди Давлатҳои Мустақим дар соҳаи тандурустӣ, аз ҷумла ҳамоҳангсозии лоиҳаҳои муштарак, фаъолияти Маҷлиси байнипарлумонии Иттиҳоди Давлатҳои Мустақим оид ба такмили қонунгузории намунавӣ дар соҳаи ҳифзи саломатӣ ва дигар масъалаҳо мавриди муҳокима қарор дода мешаванд.
Бояд гуфт, ки дар асоси қарори ҷаласаи 37-уми Шурои ҳамкорӣ дар соҳаи тандурустии давлатҳои аъзои Иттиҳоди Давлатҳои Мустақил, ки 7-уми декабри соли 2024 дар шаҳри Санкт-Петербурги Федератсияи Русия баргузор гардид, мутобиқи Низомномаи Шуро, раисии он дар соли равон ба уҳдаи Ҷумҳурии Тоҷикистон вогузор шуда буд.
Дар ҷаласа ҳамкории байналмилалӣ дар соҳаи нигаҳдории тандурустӣ, баланд бардоштани савияи касбии кадрҳои роҳбарикунандаи соҳаи тандурустӣ дар кишварҳои аъзои Иттиҳоди Давлатҳои Мустақил, натиҷаҳои иҷрои нақшаи чорабиниҳо дар соли 2024 ва дигар масъалаҳо мавриди баррасӣ қарор мегиранд.
Дар назар аст, ки иштирокдорони ҷаласа бо мавзеъҳои фарҳангию таърихии Тоҷикистон ва муассисаҳои тиббии ҷумҳурӣ шинос шаванд.
АКС: АМИТ «Ховар»
НИШАСТИ МАТБУОТӢ. Соли 2025 беш аз 14 000 нафар соҳиби касб шуданд
НИШАСТИ МАТБУОТӢ. Соли 2025 дар Тоҷикистон беш аз 70 ҳазор ҷойи кори доимӣ таъсис дода шуд
ИНТИХОБИ МАН — МАҲСУЛОТИ ВАТАНӢ. Дастоварду норасоиҳои соҳаи дорусозӣ кадомҳоянд?
НИШАСТИ МАТБУОТӢ. Беш аз 7 миллион нафар аҳолии Тоҷикистон бо оби тозаи нӯшокӣ таъмин аст
Дар Тоҷикистон то 5 феврал ҳавои тағйирёбанда пешгӯӣ мешавад
НИШАСТИ МАТБУОТӢ. Соли 2025 шумораи қонуншиканиҳо дар самти танзими ҷашну маросим коҳиш ёфт
Комиссияи Аврупо талаботро барои интиқолдиҳандагони хориҷӣ сахттар намуд
САДА АЗ ОМАДАНИ БАҲОР ВА АНҶОМИ САРМО БАШОРАТ МЕДИҲАД. Иқтибосҳо аз суханрониҳои Президенти Тоҷикистон
Покиву покизагии гирду атроф ва зеҳну қалбҳо яке аз ҷанбаҳои муҳими ҷашни Сада ба ҳисоб меравад
Эмомалӣ Раҳмон: «Сада дар радифи дигар ҷашнҳои миллии мо мероси маънавии пурбаҳое аз аҷдоди некномамон мебошад»
Фаъолияти Кумитаи иҷроияи Ҳизби Халқии Демократии Тоҷикистон дар шаҳри Душанбе натиҷагирӣ карда шуд
НИШАСТИ МАТБУОТӢ. Тафсири Қонуни Тоҷикистон «Дар бораи мақоми омӯзгор» кай омода ва нашр мегардад?
