Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
ЛАХШ, 08.10.2025 /АМИТ «Ховар»/. Мақомоти иҷроияи ҳокимияти давлатии ноҳияи Лахш оид ба иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёту иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2025-2026» аз ҳисоби буҷети маҳаллӣ як миллиону 499 ҳазору 600 сомонӣ маблағ пешбинӣ намудааст. То 2 октябри соли равон як миллиону 216 ҳазору 800 сомонӣ ҷудо гардид, ки аз ин танҳо барои хариди ангишт 984 ҳазору 23 сомонӣ маблағгузорӣ шудааст. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Лахш иттилоъ доданд.
Ба иттилои кормандони шуъбаи маорифи ноҳияи Лахш, муассисаҳои таълимии ноҳия то имрӯз барои давраи тирамоҳу зимистон 500 тонна ангишт, 50 литр сӯзишвории дизелӣ, 330 метри мукааб ҳезум, 10 тонна орд, 800 литр равған, 800 кг биринҷ, 500 кг шакар, 500-килограммӣ картошка, пиёз, сабзӣ ва 400 қуттӣ консерваҳо захира намудаанд. Ҳамчунин дар синфхонаҳои муассисаҳои таълимии ноҳия 706 бухорӣ ва 15 дастгоҳи гармидиҳии барқӣ дар ҳолати корӣ қарор дошта, дар 390 метри мукааб шишабандӣ гузаронида шуд.
Дар Беморхонаи марказии ноҳияи Лахш буғхонаи замонавӣ фаъолият менамояд, ки бо 69 тоннаю 350 кг ангишт ва 15 куб ҳезум таъмин мебошад. Маркази саломатии ноҳиявӣ, марказҳои саломатии деҳот ва бунгоҳҳои тиббии ноҳия бо 46 гармкунаки барқӣ, 70 бухорӣ ва 85,3 тонна ангишту 15 метри мукааб ҳезум таъмин мебошанд.
Тибқи иттилои манбаъ, ҳама ташкилоту муассисаҳои ноҳия барои дар сатҳи баланд гузаронидани давраи тирамоҳу зимистони солҳои 2025-2026 пурра омода гардида, ба сохторҳои назоратӣ дар ин самт ҳисобот пешниҳод менамоянд. Ҳамчунин вобаста ба ин масъала ситоди доимамалкунандаи Мақомоти иҷроияи ҳокимияти давлатии ноҳияи Лахш фаъолият дорад.
АКС: АМИТ «Ховар»
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
