Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ДУШАНБЕ, 15.10.2025. /АМИТ «Ховар»/. Имсол дар Тоҷикистон 67 муассисаи кумаки аввалини тиббию санитарӣ сохта, ба истифода дода шуд ва дар 110 муассисаи дигар сохтмон идома дорад. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Муассисаи кумаки аввалини тиббию санитарӣ яке аз самтҳои асосии хизматрасонӣ ва афзалиятноки соҳаи тандурустӣ мебошад. Барои рушди кумаки аввалини тиббию санитарӣ дар доираи Нақшаи амали солҳои 2024-2026 татбиқи “Стратегияи ҳифзи солимии аҳолии Ҷумҳурии Тоҷикистон барои давраи то соли 2030” амалӣ мегардад.
Дар сатҳи кумаки аввалини тиббию санитарии соҳа имрӯз шакли намунавии кумаки аввалини тиббию санитарӣ бо истифода аз таҷрибаи байналмилалӣ дар шабакаи муассисаҳои кумаки аввалини тиббию санитарии ноҳияи Данғара, Маркази саломатии шаҳрии №15-и шаҳри Душанбе ва Маркази таълимию клиникии тибби оилавии вилояти Суғд оғоз гардидааст. Дар доираи фаъолияти гурӯҳи корӣ лоиҳаи нақшаи чорабиниҳо бо муайян намудани манбаи маблағгузории онҳо таҳия гардидааст.
Бо мақсади дарёфти саривақтӣ ва ба ташхису табобат фаро гирифтани беморони гирифтори бемориҳои сироятӣ дар мамлакат аз ҷониби кормандони муассисаҳои кумаки аввалини тиббию санитарӣ ҳамарӯза гардишҳои ҳавлигӣ гузаронида мешаванд. Ин омил ба назорати пайвастаи диспансерии беморони гирифтори бемориҳои музмин ва маъюбони гурӯҳҳои гуногун мусоидат менамояд.
Президенти Ҷумҳурии Тоҷикистон муҳтарам Эмомалӣ Раҳмон дар суханрониҳояшон пайваста таъкид менамоянд, ки «мо ба солимии ҷомеа ва ҳифзи иҷтимоии аҳолӣ низ диққати махсус дода, инфрасохтори муассисаҳои тиббӣ ва ҳифзи иҷтимоии аҳолиро мунтазам тавсеа ва таҳким бахшида истодаем».
Имрӯзҳо дар дурдастарин минтақаҳои мамлакат низ муассисаҳои кумаки аввалини тиббию санитарӣ бо муҷаҳҳазнамоии шароити тиббии муосир сохта, ба истифода дода мешаванд. Тавре қаблан иттилоъ додем, 25 июни соли 2025 дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон пас аз сохтмон ва таъмиру навсозӣ дар деҳаҳои ноҳияҳои Рӯшон, Дарвоз, Мурғоб ва Шуғнон муассисаҳои кумаки аввалини тиббию санитарӣ мавриди истифода қарор дода шуданд.
Бо ба истифода додани муассисаҳои тиббии замонавӣ дар ин ноҳияҳои дурдасти мамлакат сатҳу сифати хизматрасонии тиббӣ ба аҳолӣ беҳтар мегардад. Дар ин муассисаҳои навбунёди тандурустӣ барои хизматрасонии тиббӣ ба аҳолӣ тамоми шароиту имконияти мусоид фароҳам гардида, бо таҷҳизоту лавозимоти зарурӣ таъмин мебошанд.
АКС: АМИТ «Ховар»
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
