Масъалаи ба такмили ихтисос фаро гирифтани табибони тоҷик дар Эрон баррасӣ гардид
ДУШАНБЕ, 21.10.2025. /АМИТ «Ховар»/. 20 октябр вохӯрии Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён баргузор гардид, ки зимни он масъалаи ба такмили ихтисос фаро гирифтани табибони тоҷик дар Эрон мавриди баррасӣ қарор гирифт. Дар ин хусус АМИТ «Ховар» бо истинод ба маркази матбуоти Вазорати тандурустӣ хабар медиҳад.
Дар вохӯрӣ гуфта шуд, ки соҳаҳои гуногуни беҳдоштӣ, дармонӣ ва улуми пизишкии Ҷумҳурии Исломии Эрон, аз қабили чарроҳии дил, табобати бемориҳои чашм, пайванди кулия ва протезкунии пайвандҳо метавонанд ба идомаи ҳамкории ҳарду давлат барои рушди соҳаи тандурустӣ ва ҳифзи иҷтимоии аҳолӣ такони ҷиддӣ бахшанд.
Иттилоъ дода шуд, ки давоми нуҳ моҳи соли 2025 барои такмили ихтисос 61 табиб барои омӯзиш ба даврҳои кӯтоҳмуддат, 5 табиб ба барномаҳои дарозмуддати fellowship ва 1 нафар ба резидентура ба Ҷумҳурии Исломии Эрон равона гардиданд. Дар се соли охир 242 мутахассиси тоҷик дар муассисаҳои пешрафтаи Эрон аз омӯзиш гузашта, 60 нафари дигар ба даврҳои кӯтоҳмуддат фиристода мешаванд.
Ҷамолиддин Абдуллозода изҳор намуд, ки риштаҳои илмӣ-таълимӣ бо донишгоҳҳои илмҳои тиббии Шероз, Теҳрон, Машҳад, Шаҳид Биҳиштӣ ва созишномаҳои амалкунанда бо Донишгоҳи давлатии тиббии Тоҷикистон ба номи Абуалӣ ибни Сино густариш меёбанд.
Ҷонибҳо ҳамчунин доир ба густариши ҳамкорӣ дар бахшҳои гуногуни соҳаи тандурустӣ ва ҳифзи иҷтимоии аҳолӣ, аз ҷумла дар самти ворид намудани усулҳои нави ташхису табобат дар соҳаи тибби мамлакат, ворид намудани дастгоҳу таҷҳизоти муосири тиббӣ, коркарди гиёҳҳои шифобахши ватанӣ ва дигар масъалаҳо мубодилаи афкор намуданд.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
