«МегаФон Тоҷикистон» шарики кулли Ҷоми Тоҷикистон оид ба футзал гардид
ДУШАНБЕ, 20.10.2025 /АМИТ «Ховар»/. Дар Тоҷикистон яке аз мусобиқаҳои деринтизори варзишии сол – Ҷоми ҷумҳурӣ оид ба футзал оғоз меёбад. Ба ҳайси шарики кулли мусобиқа ширкати «МегаФон Тоҷикистон», ки рушди футбол ва футзалро дар ҷумҳурӣ пайваста дастгирӣ менамояд, баромад мекунад.
Мусобиқаро Лигаи футзали Тоҷикистон бо дастгирии Федератсияи футболи Тоҷикистон ташкил мекунад. Бозиҳо бо иштироки клубҳои пурқувваттарини футзал баргузор мешаванд. Ҷом беҳтарин бозингаронро муттаҳид менамояд, ба тамошобинон эҳсосоти рангин ҳадя намуда, марҳилаи муҳим дар рушди футзал дар мамлакат мегардад.
16 октябр маросими қуръакашии Ҷом бо иштироки дастаҳои Лигаи олӣ баргузор гурдид. Мусобиқа аз даври чорякниҳоӣ оғоз ёфта, бозиҳо дар шакли «хона ва сафар» доир мегарданд. Клубҳои пурқувваттарини ҷумҳурӣ: «Истиқлол» (Душанбе), «Соро Компания» (Душанбе), «Сипар» (Хуҷанд), «Амонатбонк» (Душанбе), «Сомон» (Душанбе) ва КМВА (Душанбе) аз ҷумлаи иштирокчиёни мусобиқа мебошанд.
«Мо аз он шодем, ки шарики кулли Ҷоми Тоҷикистон оид ба футзал гардидем. Барои «МегаФон Тоҷикистон» ин на танҳо лоиҳаи варзишӣ, балки саҳмгузорӣ дар оммавигардонии варзиш ва тарзи ҳаёти солим мебошад. Итминон дорам, ки мусобиқа ба мухлисон таассуроти хотирмон ва ба бозингарон имконияти нишон додани маҳорату истеъдод ва ноилшавӣ ба пирӯзиҳои нав ҳадя менамояд», — иброз дошт директори генералии ширкат Анатолий Изюмников.
«Футзал дар мамлакати мо сол то сол шуҳрат пайдо менамояд. Дастгирии чунин шарики қавӣ, ба мисли «МегаФон Тоҷикистон» имкон медиҳад, ки Ҷоми мазкурро ба сатҳи нав бардорем. Умедворем, ки мусобиқа барои варзишгарон ва мухлисон ба ҷашни ҳақиқӣ табдил ёфта, дар рушди футзали Тоҷикистон саҳми арзанда мегузорад», — иброз дошт директори Лигаи футзали Тоҷикистон Бахтовар Меликов.
Ҷоми Тоҷикистон оид ба футзал рӯйдоди ҷолибу рангини варзишӣ хоҳад гашт, ки варзишгарон, мухлисон ва тамоми дӯстдорони футболро муттаҳид менамояд.
АКС: ширкати «МегаФон Тоҷикистон»
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
