Муассисаҳои соҳаи тандурустии вилояти Суғд ба фасли зимистон омода мебошанд
ДУШАНБЕ, 21.10.2025. /АМИТ «Ховар»/. Дар вилояти Суғд бо мақсади бе мушкилӣ сипарӣ намудани фасли зимистон ва таъмини фаъолияти муназзаму самарабахши соҳаҳои гуногун тадбирҳои зарурӣ андешида мешаванд.
Тавре аз Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, Беморхонаи клиникавии бачагонаи вилояти Суғд, ки яке аз калонтарин беморхонаҳои вилоят аст, барои хуб гузаронидани фасли зимистон аз нақша зиёд ангишт захира ва маркази гармидиҳии муассиса барои фаъолият пурра омода карда шудааст.
Иттилоъ дода шуд, ки беморхона дорои 12 шуъбаи ташхисию табобатӣ ва 290 кат буда, тамоми утоқҳо тавассути маркази гармидиҳии худӣ гарм карда мешаванд.
Ҳамчунин иттилоъ дода шуд, ки Маркази бемориҳои дил ва ҷарроҳии дилу рагҳои вилоят дар фасли зимистон бо гази табиӣ гарм карда мешавад. Корҳои омодагӣ дар маркази гармидиҳӣ анҷом ёфта, дар ин муассиса низ маводи хӯрокворӣ, ангишт ва лавозимоти зарурӣ захира гардидаанд.
Ёдовар мешавем, ки бо мақсади сари вақт омода намудани соҳаҳои иқтисодию иҷтимоии вилоят барои фаъолияти мунтазам ва самарабахш дар фаслҳои тирамоҳу зимистони солҳои 2025–2026 ситоди вилоятӣ таъсис дода шудааст.
Дар ин замина ба захираи ангишту ҳезум, ба кор даровардани дегхонаҳо ва марказҳои гармидиҳӣ, таъмиру оинабандии иншоот ва иҷрои дигар тадбирҳои муҳим таваҷҷуҳи махсус дода мешавад.
АКС: Мақомоти иҷроияи ҳокимияти давлатии вилояти Суғд
Дар шаҳри Кӯлоб оид ба пешгирии истифодаи ғайриқонунии неруи барқ вохӯрӣ баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
35-СОЛАГИИ ИСТИҚЛОЛИ ДАВЛАТӢ. Дар деҳаи Себистони шаҳри Ҳисор мактаби нав бунёд мегардад
Имрӯз дар баъзе ноҳияҳои Тоҷикистон туман мефарояд
Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
