Оид ба нақши дипломатияи тоҷик дар таҳкими сиёсати хориҷӣ конфронс доир шуд
ДУШАНБЕ, 14.10.2025 /АМИТ «Ховар»/. Имрӯз дар Донишгоҳи байналмилалии сайёҳӣ ва соҳибкории Тоҷикистон дар мавзуи «Нақши дипломатияи тоҷик дар таҳкими сиёсати хориҷии Ҷумҳурии Тоҷикистон» конфронси байналмилалӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Иброз гардид, ки дипломатияи тоҷик ҳамчун ҷузъи муҳими сиёсати хориҷии давлат дар ташаккули равобити дӯстона, ҳамкорӣ ва суботи минтақавӣ нақши муассир дошта, таҳқиқи илмии таҷрибаи 30-солаи он барои насли ҷавон аҳамияти хосса дорад.
Баргузории чунин чорабиниҳои сатҳи баланд ба таҳкими робитаҳои илмӣ ва густариши таҳқиқоти илмӣ дар соҳаи муносибатҳои байналмилалӣ мусоидат менамояд.
Дар конфронс олимон, донишмандон ва коршиносон атрофи масъалаҳои муҳим, аз ҷумла мавзуъҳои «Дипломатияи тоҷик: аз анъанаҳои таърихӣ то сиёсати хориҷии муосир», «Мавқеи геостратегии Тоҷикистон дар низоми сиёсати ҷаҳонӣ», «Сатҳи баланди ҳамкории минтақавии Ҷумҳурии Тоҷикистон бо кишварҳои Осиёи Марказӣ ва созмонҳои байналмилалӣ» мубодилаи афкор намуданд.
Зимни конфронс таҷрибаи дипломатияи сайёҳӣ ва зарурати рушди ҳамкории илмӣ ва фарҳангӣ байни донишгоҳҳои Тоҷикистон ва Иёлоти Муттаҳидаи Амрико таъкид карда шуд.
Дар фарҷоми конфронс ба иштирокчиёни фаъол Сипоснома ва туҳфаҳои хотиравӣ тақдим карда шуданд.
АКС: Донишгоҳи байналмилалии сайёҳӣ ва соҳибкории Тоҷикистон
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
