Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ДУШАНБЕ, 04.10.2025 /АМИТ «Ховар»/. 3 октябр варзишгарони навраси тоҷик Беҳрӯз Умаров дар вазни 50 кг, Аъзамҷон Ҳасанов дар вазни 48 кг ва Акбарҷон Абдуллоев дар вазни 57 кг дар доираи Бозиҳои кишварҳои аъзои Иттиҳоди Давлатҳои Мустақил, ки дар Ҷумҳурии Озарбойҷон ҷараён доранд, рақибонашон аз давлатҳои Озарбойҷон ва Беларусро мағлуб карда, ба даври ниҳоии ин мусобиқаи сатҳи баланд роҳ ёфтанд.
Тавре шореҳи варзиши АМИТ «Ховар» аз макони баргузории бозиҳо иттилоъ медиҳад, мусобиқаи бокс дар доираи Бозиҳои сеюми кишварҳои аъзои Иттиҳоди Давлатҳои Мустақил дар маҷмааи варзишии шаҳри Левлахи Озарбойҷон баргузор гардида, то 5 октябр идома меёбад. Варзишгари тоҷик Беҳрӯз Умаров бар ҳарифи озарбойҷонияш Айхан Ҳасанов ғолиб омада, ба даври ниҳоии ин мусобиқаи сатҳи баланд роҳ ёфт, Аъзамҷон Ҳасанов дар вазни 48 кг бар рақиби беларусӣ ғолиб омада, роҳхати марҳилаи финалиро пайдо намуд.
Акбарҷон Абдуллоев дар вазни 57 кг бо ҳарифи озарбойҷонияш рақобат карда, ғолиб омад ва ба даври ниҳоии ин мусобиқаи сатҳи баланд роҳ ёфт.
Варзишгарони дигари навраси тоҷик Амир Назаров дар вазни 46 кг, Умарҷон Асроров дар вазни 66 кг ва Амир Нозимов дар вазни 75 кг, инчунин Фурӯғ Сарҳадзода байни духтарон дар вазни 66 кг сазовори медалҳои биринҷии Бозиҳои сеюми кишварҳои аъзои Иттиҳоди Давлатҳои Мустақил аз намуди бокс гардиданд.
АКС: АМИТ «Ховар»
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
