35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода Маркази саломатӣ ва толори варзишӣ ба истифода дода шуданд
ТУРСУНЗОДА, 28.11.2025 /АМИТ«Ховар»/. Ба шарафи 35- солагии Истиқлоли давлатии Ҷумҳурии Тоҷикистон дар Ҷамоати деҳоти Навободи шаҳри Турсунзода Маркази саломатии деҳавӣ ба истифода дода шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Турсунзода иттилоъ доданд.
Маркази саломатӣ бо дастгирии Мақомоти иҷроияи ҳокимияти давлатии шаҳри Турсунзода ва саҳми сокинону соҳибкорон бунёд гардидааст. Он дорои утоқҳои корӣ буда, бо таҷҳизоти нави тиббӣ, мизу курсӣ ва ҷевонҳои замонавӣ муҷаҳҳаз гардидааст. Минбаъд зиёда аз 50 корманди Маркази саломатӣ ба 10 ҳазор сокинони Ҷамоати деҳоти Навобод хизмати тиббӣ мерасонанд.
Бинои нави муассисаи тандурустӣ дорои шароити муосири ташхису табобат буда, ба баланд бардоштани сатҳи хизматрасонии тиббӣ ба аҳолӣ нигаронида шудааст.
Зимни ифтитоҳи ин муассиса роҳбарияти Мақомоти иҷроияи ҳокимияти давлатии шаҳри Турсунзода ба сохтмончиён ва роҳбарияти маркази саломатӣ Сипоснома тақдим намуд.
Бахшида ба ҷашни 35-солагии Истиқлоли давлатӣ дар Ҷамоати деҳоти Регари шаҳри Турсунзода майдончаи варзишии замонавӣ мавриди истифода қарор гирифт.
Тибқи нақшаи бунёдкорӣ бахшида ба ҷашни 35-солагии Истиқлоли давлатӣ дар шаҳри Турсунзода дар ҳамкорӣ бо соҳибкорон, фаъолон ва аҳолӣ дар маркази шаҳр ва ҷамоатҳои шаҳраку деҳот бунёду барқарорсозии 459 иншооти мухталиф ба нақша гирифта шудааст. Давоми солҳои 2022-2025 зиёда аз 372 иншоот сохта, ба истифода дода шуд. Дар иншооти боқимондаи ҷашнӣ корҳои сохтмонӣ идома доранд.
АКС: Мақомоти иҷроияи ҳокимияти давлатии шаҳри Турсунзода
Дар ноҳияи Абдураҳмони Ҷомӣ тадбирҳои созандагӣ ва ободонӣ амалӣ гардонида мешаванд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рӯдакӣ барои кӯдакону наврасони ятим ҳамоиши идона доир гардид
Дар ноҳияи Восеъ мумфаршкунии роҳҳо вусъати тоза меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Дар Женева 35-солагии Истиқлолияти давлатии Тоҷикистонро бо тантана ҷашн гирифт
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
Дар Анқара ба муносибати 35-солагии Истиқлоли давлатии Тоҷикистон чорабинии тантанавӣ доир гардид
