Ба ифтихори Рӯзи Президент дар ноҳияи Шаҳринав бинои муассисаи таълимӣ ба истифода дода шуд
ШАҲРИНАВ, 16.11.2025 /АМИТ «Ховар»/. 14 ноябр ба ифтихори Рӯзи Президент ва 33-солагии Иҷлосияи ХVI Шурои Олии Ҷумҳурии Тоҷикистон дар Ҷамоати деҳоти Истиқлоли ноҳияи Шаҳринав бинои иловагии Муассисаи таҳсилоти миёнаи умумии №35 ба истифода дода шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.
Тибқи иттилои манбаъ, бинои иловагии ин муассисаи таълимӣ аз 18 синфхона иборат буда, дар он барои 864 хонанда дар ду баст ҷойи нишаст муҳайё карда шудааст. Синфхонаҳои он бо мизу курсӣ ва таҷҳизоти зарурӣ муҷаҳҳаз гардидаанд.
Бинои иловагии муассиса бо дастгирии Мақомоти иҷроияи ҳокимияти давлатии ноҳияи Шаҳринав ва Вазорати маориф ва илми Ҷумҳурии Тоҷикистон, инчунин ҷалби сокинону соҳибкорони маҳал бунёд гардид.
Ҳамзамон барои фароҳамсозии беҳтарин шароит бобати таълиму тарбияи насли ҷавон ба соҳибкорону сокинон ва маъмурияти муассиса миннатдорӣ баён шуда, фаъолон бо Сипосномаи Мақомоти иҷроияи ҳокимияти давлатии ноҳияи Шаҳринав қадрдонӣ карда шуданд.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борон меборад
Дар Тоҷикистон беш аз 200 корхона ва ҷамъияти нақлиётӣ фаъолият менамояд
Дар шаҳри Гулистон корхонаи таъмири трансформаторҳо ба истифода дода шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар ноҳияҳои алоҳидаи Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Дар ноҳияи Носири Хусрав тақдими «Шоҳнома»-и безаволи Ҳаким Фирдавсӣ оғоз шуд
«САРҲАДБОНОН-ЧАШМИ БЕДОРИ ВАТАН». Дар қисми ҳарбии Қӯшунҳои сарҳадӣ ҳамоиши тантанавӣ баргузор гардид
Дар партави Паёми Президенти Тоҷикистон ба Маҷлиси Олӣ оид ба масоили соҳибкорӣ ва сармоягузорӣ ҳамоиш доир шуд
ZET-MOBILE натиҷаҳои давраи чоруми иқдоми «Миллионро гир»-ро барои моҳи ноябр ҷамъбаст кард
