Дар Ҷамоати деҳоти Алмосии Ҳисор пули нав ба истифода дода шуд
ҲИСОР, 17.11.2025 /АМИТ «Ховар»/. Бахшида ба ҷашни 35-солагии Истиқлоли давлатӣ ва ба ифтихори Рӯзи Президенти Ҷумҳурии Тоҷикистон дар деҳаи Суғдиёни Ҷамоати деҳоти Алмосии шаҳри Ҳисор пули мошингузар мавриди истифода қарор дода шуд. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Ҳисор хабар доданд.
Сохтмони пули мошингузар дар доираи нақшаи чорабиниҳои Мақомоти иҷроияи ҳокимияти давлатии шаҳри Ҳисор бахшида ба 35-солагии Истиқлоли давлатӣ бо дастгирии соҳибкорон ва аҳолӣ моҳи июли соли равон оғоз гардида, бо маблағи зиёда аз 4 миллион сомонӣ бунёд гардид.
Зимни ифтитоҳи пули мошингузар Раиси шаҳри Ҳисор Ҷаббор Носирзода фаъолону сокинони ҷамоатро бо Рӯзи Президенти Ҷумҳурии Тоҷикистон ва солгарди Иҷлосияи таърихии 16-уми Шурои Олии Ҷумҳурии Тоҷикистон табрику таҳният гуфт. Ҳамзамон аз номи роҳбарияти Мақомоти иҷроияи ҳокимияти давлатии шаҳри Ҳисор ба фаъолон, сокинону соҳибкорони ҷамоат барои бунёди иншооти муҳими ҷашнӣ изҳори сипос карда шуда, Сипоснома тақдим гардид.
Дар ҳамоиш иброз гардид, ки саҳми сокинони Ҷамоати деҳоти Алмосӣ дар бунёди бинои мактаб, синфхонаҳои иловагӣ, иншооти соҳаи тандурустӣ, таъмиру таҷдиди роҳ ва дигар корҳои созандагӣ арзишманд буда, дар рушди деҳот саҳми шоиста доранд. Ба Феҳристи «Низоми мероси кишоварзии дорои аҳамияти ҷаҳонӣ» ворид гардидани дараи Алмосӣ, инчунин гӯсфанди зоти ҳисорӣ ва ангури тоифии гулобӣ, ки маҳсули заҳмати ин кишоварзон мебошад, боиси сарфарозии сокинони на танҳо дараи Алмосӣ, балки тамоми мамлакат мебошад.
Пули мошингузари қаблӣ болотар аз ин мавзеъ сохта шуда буд. Он бар асари боронҳои сел тез-тез фурӯ рафта, барои сокинону меҳмонони ин мавзеъ мушкилиҳои зиёд пеш меовард. Хушбахтона, бо бунёди пули нав мушкилии сокинон пурра бартараф шуда, минбаъд дар ҳама фаслҳои сол рафтуомади сокинон таъмин мегардад.
АКС: Мақомоти иҷроияи ҳокимияти давлатии шаҳри Ҳисор
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
