Дар Китобхонаи миллии Тоҷикистон оид ба нақши оила дар камолоти маънавии фарзанд ҳамоиш доир шуд
ДУШАНБЕ, 19.11.2025 /АМИТ «Ховар»/. Дар Китобхонаи миллии Тоҷикистон дар доираи татбиқи Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» таҳти унвони «Нақши оила дар камолоти маънавии фарзанд» ҳамоиш доир шуд.
Тавре ба АМИТ «Ховар» аз Китобхонаи миллии Тоҷикистон хабар доданд, зимни ҳамоиш иштирокчиён доир ба нақши оила дар таълиму тарбияи кӯдак ва таъсири китобу китобхонӣ ба наврасон изҳори андеша намуданд.
Иброз гардид, ки тақдими асари таърихии академик Бобоҷон Ғафуров «Тоҷикон» ва «Шоҳнома»-и безаволи Абулқосим Фирдавсӣ дар таълиму тарбияи насли наврас нақши муҳим бозида, дар ташаккули худшиносии миллӣ, эҳтиром ба гузаштагон ва баланд бардоштани ҳисси ватандӯстии онҳо саҳми назаррас мегузорад.
«Модарони мо барои фарзанд алла гуфтаю афсона нақл мекарданд. Хондани китоби «Шоҳнома» низ дар тарбияи маънавии фарзанд нақшгузор аст, зеро ҷалби наврасону ҷавонон ба китобу китобхонӣ онҳоро метавонад аз таъсири ҳар гуна бегонапарастӣ дур созад»,-таъкид шуд дар ҳамоиш.
Ҳар кори манфие, ки ба фарзанд робита дорад, барои аҳли хонадон нокомӣ оварда, модаронро нигарон месозад. Аз ин рӯ ба таълиму тарбияи фарзанд бояд диққати махсус дод.
Гуфта шуд, ки тарбия чанд намуд аст: фардӣ, иҷтимоӣ ва маънавӣ. Агар тарбияи фардӣ ва иҷтимоӣ то синни муайян бошад, тарбияи маънавии инсон як умр аст. Дар тарбияи фарзанд риояи арзишҳои ахлоқӣ нақши бузург дорад, аз қабили тасмим гирифтан бо ақл, на бо эҳсосот, сарфаи дурусти вақт, гуфтори нарм, бо забони шевои тоҷикӣ ва дуруст ҳарф задан, сабур будан нисбат ба ҳамдигар, бахусус байни зану шавҳар, ки фарзандон аз ин дарси ибрат мегиранд, некбин будану умеди нек доштан ва фарзандонро ба роҳи рост ҳидоят намудан.
Таъкид гардид, ки волидайн бояд фарзандро ба ҳамнишинӣ бо рафиқи хуб роҳнамоӣ намоянд. Дар тарбияи фарзанд меҳру муҳаббати худро дареғ надоранд ва онро бошуурона ба фарзандон тақдим созанд. Маҳбубу муҳтарам буданро дар тарбия талқин намудан аз арзишҳои дигари ахлоқӣ мебошад.
АКС: Китобхонаи миллии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
