Дар Туркманистон Рӯзи Президенти Ҷумҳурии Тоҷикистон таҷлил гардид

ДУШАНБЕ, 18.11.2025 /АМИТ «Ховар»/. Дар Сафорати Ҷумҳурии Тоҷикистон дар Туркманистон бахшида ба таҷлили Рӯзи Президенти Ҷумҳурии Тоҷикистон ҳамоиши расмӣ баргузор гардид.

Тавре ба АМИТ «Ховар» аз Сафорати Тоҷикистон дар Туркманистон хабар доданд, Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода нақши муҳими Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таҳкими давлатдории навини тоҷикон, аз ҷумла ҳимояи осори таърихӣ ва ҳувияти миллӣ таъкид намуд.

Иброз гардид, ки мардуми тоҷик Рӯзи Президенти Ҷумҳурии Тоҷикистонро чун ҷашни фархунда, рамзи меҳру муҳаббат ва садоқат ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таҷлил менамоянд.

Рӯзи Президент чун ҷашни фархунда ба густариши бештари худшиносию меҳанпарастӣ ва ифтихори ватандӯстии ҳар фарди Тоҷикистон неруи тоза мебахшад.

Дар бахши дуюми чорабинӣ кормандони Сафорат вобаста ба мавзуъ маъруза намуданд.

АКС: Сафорати Тоҷикистон дар Туркманистон