Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
ДУШАНБЕ, 05.12.2025 /АМИТ «Ховар»/. Дар шаҳри Машҳади Ҷумҳурии Исломии Эрон ҷаласаи навбатии Кумитаи доимии умури сиёсии Ассамблеяи парлумонии Осиё баргузор гардид, ки дар он муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён иштирок намуд. Дар ин хусус ба АМИТ «Ховар» аз Маҷлиси намояндагон хабар доданд.
Дар ҷаласа намояндагони 15 давлати минтақа иштирок намуданд.
Пеш аз оғози ҷаласа муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён бо Раиси Маҷлиси Шурои Исломии Ҷумҳурии Исломии Эрон Муҳаммад Боқири Қолибоф вохӯрӣ намуд.
Зимни вохӯрӣ доираи васеи масъалаҳои густариши ҳамкории байнипарлумонӣ, иқтисодию тиҷоратӣ ва дигар масъалаҳои муҳимми муносибатҳои ду давлат мавриди муҳокима қарор гирифтанд.
Дар ҷаласа Шермуҳаммад Шоҳиён котиби ҷаласаи Кумитаи доимии умури сиёсии Ассамблеяи парлумонии Осиё интихоб гардид.
Шермуҳаммад Шоҳиён иброз намуд, ки Асамблеяи парлумонии Осиё имрӯз ба таҳкими робитаҳо, махсусан бо созмонҳои бонуфузи байналмиллалӣ ва кишварҳои шарику ҳамфикр, ки сулҳу суботро ба андозаи зарурӣ муҳим арзёбӣ мекунанд ва ҷонибдори сулҳу амнияти минтақа мебошад, ниёзи бештар дорад.
Ташаббуси нави Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба эълон доштани «Даҳсолаи таҳкими сулҳ барои наслҳои оянда», ки аз минбари Созмони Милали Муттаҳид садо дод, ба самъи иштирокдорони ҷаласа расонида шуд. Ин ташаббус дар шароити пуршиддат ва вазъи ноустувори ҷаҳон барои ҳамкории судманди кишварҳои минтақа ба хотири барқарорсозии сулҳи пойдор заминаи мусоид фароҳам меорад.
Шермуҳаммад Шоҳиён инчунин оид ба саҳми Ассамблеяи парлумонии Осиё дар пешбурди манфиатҳои ҳама мардумони минтақаи Осиё, хусусан дар масъалаҳои рушди иқтисодӣ, умумияти фарҳангию таърихӣ, тамаддунӣ ва маънавии мардумони минтақа андешаронӣ намуд.
Доир ба ҳама масъалаҳои баррасигардида қарорҳои дахлдор қабул карда шуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи маҷозии Муколамаи занон – роҳбарони Осиёи Марказӣ доир шуд
Файзалӣ Идизода дар ҷаласаи Шурои Ассамблеяи парламентии СААД дар шаҳри Москва иштирок намуд
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
