Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ДУШАНБЕ, 21.12.2025 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» дар мавзуи «Паёми Президенти Ҷумҳурии Тоҷикистон – санади стратегии рушди иҷтимоию иқтисодӣ ва ташаббусҳои глобалӣ» ҳамоиши илмӣ-назариявӣ баргузор гардид.
Тавре ба АМИТ «Ховар» аз ин донишгоҳ хабар доданд, ректори донишгоҳ Мунир Сафарзода иброз дошт, ки Паёми Президенти Тоҷикистон муҳтарам Эмомалӣ Раҳмон ба Маҷлиси Олӣ фарогири самтҳои афзалиятноки сиёсати давлатӣ дар марҳалаи нави рушди мамлакат буда, масъалаҳои рушди устувори иқтисод, таҳкими сиёсати иҷтимоӣ, рақамикунонии соҳаҳо, рушди илму маориф, дастгирии занону ҷавонон, таҳкими амнияти миллӣ ва пешгирӣ аз таҳдидҳои ҷаҳони муосирро ба таври мушаххас дар бар мегирад.
«Ҳамзамон дар Паёми Президенти Тоҷикистон ба Маҷлиси Олӣ ба масъалаҳои зеҳни сунъӣ, рақамикунонии тамоми фаъолият, беҳтар намудани заминаҳо барои таҳсили фарогир, ахлоқи ҷамъиятӣ, тарбияи инсони комил, эҳтироми падару модар ва боло бурдани мақому манзалати зан-модар ҳамчун пояи устувори ҷомеа таваҷҷуҳи хос зоҳир гардид. Ҳамзамон андешаву роҳнамоиҳои ҳакимонаву ояндасози Пешвои миллат ҷомеаро ба сӯйи худшиносии миллӣ, масъулияти шаҳрвандӣ, зиндагии шоиста ва рушди инсонгароёна ҳидоят менамоянд», — таъкид намуд Мунир Сафарзода.
Дар ҷамъомад дар мавзуъҳои «Самтҳои асосии сиёсати иҷтимоӣ ва иқтисодии давлат дар Паёми Президенти Ҷумҳурии Тоҷикистон», «Паём-роҳнамои ояндасоз дар масири худшиносӣ» ва «Нақши Президент дар таҳкими сулҳу субот дар минтақа» маърузаҳо пешниҳод гардид.
Гуфта шуд, ки баргузории чунин ҳамоишҳои илмӣ-назариявӣ ба баланд бардоштани сатҳи маърифати сиёсӣ, таҳкими таҳлили илмии равандҳои давлатдорӣ ва ҷалби фаъолонаи ҷомеаи илмӣ ба татбиқи ҳадафҳои стратегии ҷумҳурӣ мусоидат намуда, дар он Паёми Президенти Тоҷикистон ба Маҷлиси Олӣ ҳамчун роҳнамои рушди устувор ва ояндасоз нақши ҳалкунанда мебозад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Хонандагони Тоҷикистон дар Олимпиадаи сеюми байналмилалӣ аз фанни зеҳни сунъӣ ду медал ба даст оварданд
Дар ноҳияи Кӯшониён 21 Маркази рушди инкишофи кӯдак ба истифода дода шуд
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
