Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
ДУШАНБЕ, 22.12.2025 /АМИТ «Ховар»/. Дар Донишгоҳи техникии Тоҷикистон ба номи академик Муҳаммад Осимӣ оид ба шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» таҳти унвони «Паём-роҳнамои рушди устувори давлатдории миллӣ» ҳамоиш баргузор шуд. Дар ин хусус ба АМИТ «Ховар» аз ин донишгоҳ хабар доданд.
Ректори Донишгоҳи техникӣ Қудрат Давлатзода таъкид намуд, ки Паёми Президенти Тоҷикистон ба Маҷлиси Олӣ аз 16 декабри соли равон аз паёмҳои солҳои қаблӣ фарқкунанда буда, дар он масъалаҳои мубрам баррасӣ гардиданд. Президенти Тоҷикистон бо таҳлили муфассали дастовардҳои иқтисодӣ, иҷтимоӣ ва фарҳангии солҳои охир, аз ҷумла рушди соҳаҳои саноат, энергетика, кишоварзӣ, инфрасохтор ва соҳибкорӣ нишон доданд, ки натиҷаҳои бадастомада маҳсули заҳмати содиқонаи мардум, сиёсати оқилона ва идоракунии самараноки давлатӣ буда, ин дастовардҳо заминаи боэътимод барои расидан ба ҳадафҳои бузурги минбаъда ба ҳисоб мераванд.
Яке аз дастовардҳои назаррас ва таърихӣ расидан ба истиқлоли комили энергетикӣ мебошад, ки дар раванди Паёми Президенти Тоҷикистон ба Маҷлиси Олӣ ин соҳаи мубрам ба таври васеъ матраҳ гардид.
«Сармоягузории бузург ба неругоҳҳои барқи обӣ, таҷдиди иқтидори мавҷуда ва бунёди неругоҳҳои офтобӣ нишон медиҳад, ки Тоҷикистон самти ба истиқлоли энергетикӣ бо қадамҳои устувор ҳаракат дорад. Неругоҳи барқи обии «Роғун» ҳамчун лоиҳаи миллии аср на танҳо манбаи неруи барқ, балки рамзи истиқлол ва ваҳдати миллӣ мебошад.
Ба кор даровардани агрегати сеюми он дар соли 2027 марҳилаи таърихии рушди энергетикии ҷумҳурӣ хоҳад буд»-, изҳор дошт ректори донишгоҳ.
Дар ҳамоиш ҳамчунин раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои иҷтимоӣ, оила ва ҳифзи саломатӣ Муҷибахон Ҷавҳарӣ оид ба масъалаи баланд бардоштани мақоми зан – модар ва дар сиёсати Сарвари давлат дар мақоми аввал гузоштани соҳаи илму маориф сухан намуд.
АКС: Донишгоҳи техникии Тоҷикистон ба номи академик Муҳаммад Осимӣ
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
