Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
ДУШАНБЕ, 07.12.2025 /АМИТ «Ховар»/. 5 декабр дар Донишгоҳи миллии Чи Нани Тайван маросими расмии эълони натиҷаҳои баҳогузории ҷаҳонии «Донишгоҳҳои сабз» (UI GreenMetric World University Rankings 2025) баргузор гардид.
Тавре аз Донишгоҳи байналмилалии сайёҳӣ ва соҳибкории Тоҷикистон ба АМИТ «Ховар» хабар доданд, имсол дар ин рейтинг 1845 донишгоҳ аз 105 кишвари ҷаҳон иштирок намуд. Ҷумҳурии Тоҷикистон бори аввал ба ин баҳогузории ҷаҳонӣ дохил гардид. Тоҷикистонро дар ин баҳогузорӣ Донишгоҳи байналмилалии сайёҳӣ ва соҳибкории Тоҷикистон ва Донишгоҳи миллии Тоҷикистон дар сатҳи ҷаҳонӣ муаррифӣ карданд.
Донишгоҳи байналмилалии сайёҳӣ ва соҳибкории Тоҷикистон дар натиҷаҳои умумӣ дар байни донишгоҳҳои ҷаҳон ҷойи 810-ум ва дар раддабандии миллӣ мақоми аввалро ишғол намуд.
Ҳамчунин донишгоҳ дар ду зерраддабандии махсуси «UI GreenMetric» натиҷаҳои баланд нишон дод. Дар ҷаҳон дар байни донишгоҳҳои дорои теъдоди миёнаи донишҷӯён ва кормандон ҷойи 301-ум, дар байни донишгоҳҳои дорои масоҳати миёна ҷойи 417-умро ишғол намуд.
Бояд гуфт, ки баҳогузорӣ дар «UI GreenMetric» аз рӯи 6 меъёри асосӣ анҷом дода мешавад. Донишгоҳи байналмилалии сайёҳӣ ва соҳибкории Тоҷикистон дар маҷмуъ 5885 хол ба даст овард, аз ҷумла: инфрасохтор ва муҳити кампус – 925 хол, энергетика ва иқлим – 1235, истифодаи самараноки об — 650, идоракунии партовҳо – 512,5, нақлиёти устувор – 1200, илм, таълим ва таҳқиқот дар самти рушди устувор – 1362,5 хол.
Иброз шуд, ки таъмини рушди устувор яке аз авлавияти стратегии байналмилалии сайёҳӣ ва соҳибкории Тоҷикистон ба ҳисоб меравад. Донишгоҳи байналмилалии сайёҳӣ ва соҳибкории Тоҷикистон минбаъд низ барои густариши инфрасохтори «сабз», истифодаи энергияи каммасраф, саранокии истифодаи об, коҳиш ва коркарди партовҳо, баланд бардоштани маърифати экологӣ ва вусъат додани таҳқиқоти инноватсионӣ кӯшиш намуда, дар такмили иқтисоди «сабз» ва татбиқи ҳадафҳои рушди устувор саҳми назаррас мегузорад.
АКС: Донишгоҳи байналмилалии сайёҳӣ ва соҳибкории Тоҷикистон
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
АЗ МЕРОСИ МИЛЛӢ ТО САРМОЯИ ИЛМИИ БАШАРИЯТ. Дар ҳошияи таъсиси Ҷоизаи байналмилалии Абуалӣ ибни Сино
Моҳи август «Фестивали тобистонаи Душанбе – 2026» баргузор мешавад
Дар Донишгоҳи технологии Тоҷикистон ғолибони озмунҳои ҷумҳуриявӣ ва байналмилалӣ қадрдонӣ шуданд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
