Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
ДУШАНБЕ, 22.11.2025 /АМИТ «Ховар»/. Дар озмуни байналмилалии «Ҷоизаҳои таълимии Лондон» LEAP 2025, ки бо иштироки намояндагони беш аз 70 давлати ҷаҳон баргузор гардид, сардори шуъбаи робитаҳои байналмилалии Донишгоҳи давлатии омӯзгории Тоҷикистон ба номи Садриддин Айнӣ Мубирхони Муминпур бо ҷоизаи «Мутахассиси муносибатҳои байналмилалии сол –2025» (International Relations Officer of the Year – 2025) сарфароз гардонида шуд. Дар ин хусус ба АМИТ «Ховар» аз Донишгоҳи давлатии омӯзгорӣ хабар доданд.
Ин озмун, ки бо иштироки зиёда аз 400 донишгоҳу муассисаи таҳсилоти олӣ, ҳамчунин беш аз 260 роҳбари сатҳи баланд — ректорон, деканҳо, директорон ва садҳо омӯзгорони варзида аз 70 давлати ҷаҳон баргузор гардид, ба унвони яке аз минбарҳои бонуфузи муаррифии дастовардҳои илмӣ ва идоракунӣ дар сатҳи байналмилалӣ арзёбӣ гардид.
Ҷоизаи «Мутахассиси муносибатҳои байналмилалии сол–2025» ба шахсоне тақдим мегардад, ки дар таҳкими робитаҳои байналмилалӣ, тавсеаи ҳамкории академӣ ва густариши имконияти таҳсилу таҳқиқот дар сатҳи ҷаҳонӣ саҳми назаррас доранд.
Озмуни байналмилалии LEAP-2025 аз ҷониби Муассисаи «Мактаби тиҷорати рақамии Лондон» (London School of Digital Business) баргузор гардид. Ин муассисаи таълимии маъруф ҳамасола муҳимтарин дастовардҳо ва навгониҳои самти маорифи ҷаҳонро таҳлилу баррасӣ намуда, озмунҳои гуногун мегузаронад.
Озмуни байналмилалии LEAP-2025 бо иштироки намояндагон аз Иёлоти Муттаҳидаи Амрико, Британияи Кабир, Федератсияи Русия, Амороти Муттаҳидаи Араб, Австралия, Туркия, Фаронса, Олмон, Шветсия, Руминия, Италия, Испания, Португалия, Ҳиндустон, Ҷопон, Миср, Бразилия, Ҷумҳурии Корея, Судон, Молдова, Беларус, Уммон, Арманистон, Гурҷистон, Тоҷикистон, Узбекистон, Покистон, Қазоқистон, Қирғизистон, Тайиланд, Индонезия, Малайзия, Филиппин ва дигар кишварҳо доир гардид, ки гуногунрангии ҷуғрофӣ ва аҳамияти ҷаҳонии озмунро бозгӯӣ мекунад.
Эълони расмии ғолибон 25 сентябри соли 2025 ба тариқи маҷозӣ баргузор шуда, ба ғолибон шаҳодатнома пешниҳод гардид.
Ёдовар мешавем, ки соли 2023 Муассисаи «Мактаби тиҷорати рақамии Лондон» (London School of Digital Business) Донишгоҳи давлатии омӯзгории Тоҷикистон ба номи Садриддин Айниро барои саҳми арзанда дар самти илм ва маориф, фидокорӣ, меҳнатдӯстӣ, субот ва эътирофи дастовардҳо бо ҷоизаи «Беҳтарин донишгоҳи навовар ва пешрафтаи соли 2023 (LREA 2023)» низ қадрдонӣ намуда буд.
АКС: Донишгоҳи давлатии омӯзгории Тоҷикистон ба номи Садриддин Айнӣ
«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Хонандагони ноҳияи Данғара дар олимпиадаи ҷумҳуриявӣ 18 медал ба даст оварданд
Хонандаи Гимназияи хусусии «Кафолат» дар Олимпиадаи байналмилалаии JEO, SEO – 2026 сазовори медали тилло гардид
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
ТАҚВИЯТИ ҲАМКОРИИ ИЛМӢ. Донишгоҳҳои Тоҷикистон ва Қазоқистон созишнома ба имзо расониданд
