Сафири Тоҷикистон дар Форум оид ба иқтидори ашёи хоми минералӣ дар Осиёи Марказӣ иштирок намуд
ДУШАНБЕ, 13.12.2025 /АМИТ «Ховар»/. 11 декабр дар шаҳри Берлин чорабинии муштараки Иттиҳодияи соҳавии фаъолияти маъданкории хориҷӣ ва фаъолияти байналмилалӣ дар соҳаи ашёи хом (FAB) ва Агентии ашёи хоми (сарватҳои табиӣ) Олмон (DERA) таҳти унвони «Иқтидори ашёи хоми минералӣ дар Осиёи Марказӣ» бо иштироки доираҳои давлатӣ, бахши саноат, корпуси дипломатӣ, муассисаҳои илмӣ ва коршиносони соҳа баргузор гардид. Дар ин хусус ба АМИТ «Ховар» аз Сафорати Тоҷикистон дар Олмон хабар доданд.
Дар доираи чорабинии мазкур Сафири Фавқулода ва Мухтори Ҷумҳурии Тоҷикистон дар Ҷумҳурии Федеративии Олмон Имомудин Сатторов дар муҳокимаи панелии Сафирони кишварҳои Осиёи Марказӣ оид ба иқтидори ашёи хоми минералӣ иштирок намуд.
Зимни муҳокимаи панелӣ масъалаҳо оид ба захираҳои табиии кишварҳои Осиёи Марказӣ, дурнамо ва мушкилоти рушди бахши истихроҷи маъдан, инчунин имкониятҳои густариши ҳамкории байналмилалӣ дар соҳаи ашёи хом мавриди баррасӣ қарор гирифтанд.
Сафири Тоҷикистон оид ба имкониятҳои захиравии мамлакат, сиёсати давлатӣ дар самти истифодаи оқилона ва устувори сарватҳои табиӣ, ҷалби сармоягузорӣ ва пешравиҳои ҷорӣ дар соҳаи саноати маъдан ибрози андеша намуд.
Имомудин Сатторов инчунин дар ин самт омодагии Тоҷикистон ба густариши ҳамкорӣ бо шарикони байналмилалӣ, аз ҷумла бо доираҳои иқтисодӣ ва саноатии Олмонро таъкид кард.
АКС: Сафорати Ҷумҳурии Тоҷикистон дар Ҷумҳурии Федеративии Олмон
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
