ТАҚВИМИ АМИТ «ХОВАР»: имрӯз 12 декабр, ҷумъа, 346-умин рӯзи соли 2025 аст

12 декабри соли 2015 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ашқободи Туркманистон дар Конференсияи байналмилалии «Сиёсати бетарафӣ: ҳамкории байналмилалӣ барои сулҳ, амният ва рушд» суханронӣ намуданд.

***

Соли 2016 Президенти Ҷумҳурии Тоҷикистон  муҳтарам Эмомалӣ Раҳмон бо нахустин сафари давлатӣ ба Ҷумҳурии Демократии Сотсиалистии Шри-Ланка рафтанд.

***

12 декабри соли 2022 Президенти Ҷумҳурии Тоҷикистон муҳтарам Эмомалӣ Раҳмон ба Президенти Конфедератсияи Швейтсария Инятсио Кассис барқияи шодбошӣ ирсол намуданд.

12 ДЕКАБР ТАҶЛИЛ КАРДА МЕШАВАД:

 Рӯзи байналмилалии  фарогирии умумӣ бо хизматрасонии тандурустӣ

***

Дар Ҷумҳурии Туркманистон — Рӯзи бетарафӣ

***

Дар Федератсияи Русия – Рӯзи Конститутсия

***

Дар Ҷумҳурии Қазоқистон – Рӯзи кормандони мақомоти гумрук

***

Дар Кения – Рӯзи истиқлолият

РӮЙДОДҲО:

12 декабри соли  2007 Парлумони Тоҷикистон Қонуни Ҷумҳурии Тоҷикистон «Дар бораи ипотека»-ро қабул намуд.

***

12 декабри соли 2017 АМИТ «Ховар» хабар дод, ки дар шаҳри Ню-Йорк маросими ба имзо расонидани Баёнияи муштарак оид ба барқарор намудани муносибатҳои дипломатӣ байни Ҷумҳурии Тоҷикистон ва Ҷамайка доир шуд.

***

Дар ин рӯзи соли 1911 пойтахти Ҳиндустон аз Калкутта ба Деҳлӣ кӯчонида шуд.

***

Дар ин рӯзи соли 1992 дар Индонезия бар асари заминларза 2200 нафар ба ҳалокат расиданд.