ТАҚВИМИ АМИТ «ХОВАР»: имрӯз 18 декабр, панҷшанбе, 352-юмин рӯзи соли 2025 аст

18 декабри соли 2009 Президенти Ҷумҳурии Тоҷикистон муҳтарам Эмомалӣ Раҳмон дар саммити ғайрирасмии сарони давлатҳои аъзои Иттиҳоди Давлатҳои Мустақил дар шаҳри Алматои Ҷумҳурии Қазоқистон иштирок намуданд.

***

18 декабри соли 2012  дар ҳузури Президенти Ҷумҳурии Тоҷикистон Эмомалӣ Раҳмон ва Президенти вақти Ҷумҳурии Туркия Абдулло Гул доир ба масоили минтақавию ҷаҳонӣ ва ҳамкорӣ дар доираи созмонҳои байналмилалӣ 9 санади ҳамкорӣ ба имзо расид.

***

18 декабри соли 2020 Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи Шурои сарони давлатҳои аъзои Иттиҳоди Давлатҳои Мустақил иштирок ва суханронӣ намуданд.

***

Дар ин рӯзи соли 2024  таҳти раёсати Президенти Ҷумҳурии Тоҷикистон, Пешвои миллат, Раиси Ҳизби Халқии Демократии Тоҷикистон муҳтарам Эмомалӣ Раҳмон Анҷумани 15-уми Ҳизби Халқии Демократии Тоҷикистон бо иштироки 1473 вакил аз тамоми шаҳру ноҳияҳои мамлакат баргузор гардид.

***

18 декабри соли 2015 Маҷлиси миллии Маҷлиси Олии Ҷумҳурии Тоҷикистон, даъвати панҷум пас аз суханрониҳо ва баррасии пурра Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат»-ро ҷонибдорӣ намуд.

18 ДЕКАБР ТАҶЛИЛ КАРДА МЕШАВАД:

 Рӯзи байналмилалии муҳоҷирон.

***

Рӯзи байналмилалии забони арабӣ.

***

Дар Русия — Рӯзи кормандони ақди никоҳ

***

Дар Қатар – Рӯзи миллӣ

***

Дар Нигер – Рӯзи ҷумҳурӣ.

РӮЙДОДҲО:

18 декабри соли 1998 дар Тоҷикистон аввалин интернет-провайдер ба кор даромад.

***

 18 декабри соли 2018 дар Маҷмаи умумии Созмони Милали Муттаҳид таҳти раёсати Намояндаи доимии Ҷумҳурии Тоҷикистон дар Созмони Милали Муттаҳид ҷаласаи моҳонаи давлатҳои аъзои Гурӯҳи Осиё ва Уқёнуси Ором баргузор гардид.

***

18 декабри соли 1865 дар Иёлоти Муттаҳидаи Амрико тағйироти 13-ум ба Конститутсия оид ба бекор кардани ҳукми қатл барои одамкушӣ ворид карда шуд.

***

Дар ин рӯзи соли 1929 дар Британияи Кабир ҳукми қатл барои одамкушӣ расман бекор карда шуд.

***

Дар ин рӯзи соли 1956 Ҷопон ба узвияти Созмони Милали Муттаҳид дохил шуд.

***

Соли 1973  Бонки исломии рушд таъсис ёфт.

ДАР ИН РӮЗ ТАВАЛЛУД ШУДААНД:

Қутбӣ Киром – соли 1932 — шоир, тарҷумон, аъзои Иттифоқи нависандагони Тоҷикистон (1963).