Дар Академияи идоракунии давлатӣ Иди Садаро бошукӯҳ таҷлил намуданд
ДУШАНБЕ, 29.01.2026 /АМИТ «Ховар»/. Имрӯз дар Академияи идоракунии давлатии назди Президенти Ҷумҳурии Тоҷикистон ҷашни Сада дар фазои тантанавӣ таҷлил карда шуд, хабар медиҳад АМИТ «Ховар» бо истинод ба академия.
Дар доираи чорабинӣ намоиши бошукуҳи хӯрокҳои миллӣ, ҳунарҳои мардумӣ, инчунин рамзу ойинҳои марбут ба ҷашни таърихии Сада ташкил гардид.
Ректори Академияи идоракунии давлатӣ Даврон Сафарзода иброз дошт, ки файзу баракат, фаровонӣ ва нусрати дастархони мардум маҳсули заҳмату меҳнати пуршарафи деҳқон буда, таҷлили чунин ҷашнҳои миллӣ далели он аст, ки миллати тоҷик соҳиби таърихи куҳан, фарҳанги ғанӣ ва суннату ойинҳои нодиру фарқкунанда мебошад.
Таъкид гардид, ки ҳамасола охири моҳи январ дар саросари ҷумҳурӣ ҷашни бостонии миллии Сада бо шукуҳу шаҳомати хосса таҷлил карда мешавад. Ин ҷашн яке аз рамзҳои муҳими фарҳанги миллӣ буда, муждарасони гармӣ, рӯшноӣ ва наздикшавии фасли баҳор ба шумор меравад.
Таҷили ҷашни Сада дар Академияи идоракунии давлатӣ идома ёфта, дар доираи он баргузории вохӯриҳо ва машваратҳои илмиву фарҳангӣ байни донишҷӯён ба нақша гирифта шудааст.
АКС: Академияи идоракунии давлатии назди Президенти Ҷумҳурии Тоҷикистон
Сокинони шаҳри Ҳисор ҷашни Садаро ботантана таҷлил намуданд
«АЗ ПЕШДОДИЁН ТО ТОҶИКИСТОН». Назаре ба таърихи пайдоиш ва эҳёи ҷашни Сада
«САДА — ҶАШНИ МИЛЛИИ ТОҶИКОН». Дар Донишкадаи омӯзгории Тоҷикистон дар Рашт ҳамоиши илмӣ доир шуд
Дар Исфара ҷашни Сада бо расму ойини аҷдодӣ таҷлил гардид
«САЙРИ САДА». Барои меҳмонону сайёҳони шаҳри Душанбе хатсайри ройгони сайёҳӣ ташкил карда мешавад
ҶАШНИ САДА — МЕРОСИ ФАРҲАНГИИ ТОҶИКОН. Он оғози омодагӣ ба Наврӯз буда, табиату инсонро аз зимистон ба баҳорон мерасонад
САДА — ҶАШНИ МИЛЛИИ БОСТОНИИ ТОҶИКОН. Оид ба он машварати илмӣ-назариявӣ доир шуд
«ДАРВОЗАИ НАВРӮЗ АСТ ҶАШНИ САДАИ МЕҲАН». Дар шаҳри Панҷакент ҷашни Садаро бошукуҳ таҷлил намуданд
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
ҶАШНИ САДА МЕРОС АЗ НИЁГОНИ МО АСТ. Таҳти ин унвон дар Китобхонаи миллии Тоҷикистон ҳамоиш доир шуд
