Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ДУШАНБЕ, 17.01.2026 /АМИТ «Ховар»/. Аз ҷониби раёсати Донишгоҳи давлатии Кӯлоб ба номи Абуабдуллоҳи Рӯдакӣ ба хазинаи Китобхонаи оммавии вилояти Хатлон ба номи Садриддин Айнӣ дар шаҳри Кӯлоб 400 нусха китобҳои гуногунмазмун оид ба илм, адабиёт, таърих, фарҳанг, педагогика, инчунин 10 рафи муосири китобмонӣ тақдим карда шуд. Дар ин хусус АМИТ «Ховар» бо истинод ба Донишгоҳи давлатии Кӯлоб хабар медиҳад.
Ин иқдом дар доираи Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ (2026) ва Солҳои фарҳанги китобхонӣ дар вилояти Хатлон (2026-2030) амалӣ гардид. Китобҳо ба хотири ғанӣ гардонидани фонди китобхона ва фароҳам овардани имконияти васеъ барои қонеъ гардонидани ниёзҳои маърифатии хонандагон мусоидат менамоянд.
Зимни тақдими китобҳо иброз гардид, ки ин иқдом саҳми арзандаи Донишгоҳи давлатии Кӯлоб дар рушду таҳкими фарҳанги китобдорӣ, тарғибу ташвиқи китобхонӣ ва баланд бардоштани завқи донишандӯзӣ дар байни наврасон, ҷавонон ва қишрҳои гуногуни ҷомеа аст. Донишгоҳ ҳамеша масъалаи рушди маънавият, густариши дониш ва таҳкими робитаи илм бо ҷомеаро аз самтҳои афзалиятноки фаъолият медонад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
